అంతర్జాతీయం
రాళ్ల దాడికి భారత బలగాలే కారణం: చైనా
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఆగస్టు 21: లడఖ్‌లోని పాంగాంగ్ సరస్సు వద్ద ఈ నెల 15వ తేదీన భారత్, చైనా సైనిక బలగాల మధ్య చోటు చేసుకున్న ఘర్షణలు, రాళ్ల దాడుల పట్ల చైనా సోమవారం నిరసన వ్యక్తం చేసింది. ఈ ‘హింసాత్మక చర్యల’కు భారత బలగాలే కారణమని చైనా ఆరోపించింది. లడఖ్‌లో ఈ నెల 15వ తేదీన చైనా సైనికులు భారత భూభాగంలోకి ప్రవేశించేందుకు చేసిన ప్రయత్నాన్ని భారత సరిహద్దు భద్రతా బలగాలు భగ్నం చేయడం రాళ్ల దాడికి దారితీయడంతో ఇరు పక్షాల్లోని కొంతమంది సైనికులకు స్వల్ప గాయాలైన విషయం తెలిసిందే. అయితే ఈ నెల 15వ తేదీన చైనా సరిహద్దు బలగాలు వాస్తవాధీన రేఖ వెంబడి తమ భూభాగంలో ఎప్పటి మాదిరిగానే గస్తీ నిర్వహిస్తుండగా ఈ ఘటన జరిగిందని, భారత బలగాలే హింసాత్మక చర్యలకు దిగి తమ సైనికులను గాయపర్చాయని చైనా విదేశాంగ శాఖ అధికార ప్రతినిధి హువా చున్యింగ్ ఆరోపించారు. ఈ ఘటనపై భారత్‌కు నిరసన తెలియజేస్తున్నామని చెప్పారు. అయితే పాంగాంగ్ సరస్సు వద్ద జరిగిన ఘటనలపై ఇరు దేశాలకు చెందిన స్థానిక సైనిక కమాండర్లు చర్చించారని భారత్ పేర్కొంది. సిక్కింలోని డోక్లామ్ ప్రాంతంలో ఇరు దేశాల సైనిక బలగాల మధ్య మూడు నెలలనుంచి ఉద్రిక్తతలు కొనసాగుతున్న తరుణంలో ఈ ఘటన చోటుచేసుకుంది. డోక్లామ్‌లో భారత సైనిక బలగాలు చైనా భూభాగంలోకి ప్రవేశించాయని, ఉద్రిక్తతలకు తెర దించాలంటే భారత బలగాలను తక్షణమే అక్కడి నుంచి ఉపసంహరించాలని చైనా వాదిస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.