మహంకాళి జాతరకు విస్తతృ సన్నాహాలు

హైదరాబాద్: ఈనెల 24, 25 తేదీల్లో జరిగే సికిందరాబాద్ మహంకాళి జాతరకు విస్తృత ఏర్పాట్లు చేస్తున్నామని మంత్రి తలసాని శ్రీనివాసయాదవ్ తెలిపారు. జాతరకు ఏర్పాట్లపై ఆయన శుక్రవారం జిహెచ్‌ఎంసి, పోలీసు, ఇతర శాఖల అధికారులతో సమీక్ష జరిపారు. మూడువేల మంది పోలీసులతో భారీ బందోబస్తు ఏర్పాటు చేస్తున్నామన్నారు. లక్షలాదిగా తరలివచ్చే భక్తులకు ఎలాంటి అసౌకర్యాలు కలగకుండా అధికారులు పకడ్బందీ ఏర్పాట్లు చేయాలని ఆదేశించారు.