అంతర్జాతీయం
వివాదాన్ని రగిలించొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, నవంబర్ 20: అరుణాచల్ ప్రదేశ్ విషయంలో చైనా మరోసారి తన అక్కసును చాటుకుంది. ఈ ప్రాంతంపై మొదటినుంచీ వివాదాన్ని రేకెత్తిస్తూ వచ్చిన డ్రాగన్, తాజాగా భారత రాష్టప్రతి రామ్‌నాథ్ కోవింద్ అరుణాచల్ ప్రదేశ్‌ను సందర్శించడంపైనే అభ్యంతరం వ్యక్తం చేసింది. అరుణాచల్ విషయంలో ఉన్న సరిహద్దు వివాదాన్ని భారతదేశం జఠిలం చేసుకోకూడదని స్పష్టం చేసింది. ఇరు దేశాల మధ్య ద్వైపాక్షిక సంబంధాలు కీలక దశలో ఉన్న తరుణంలో ఈ రకమైన వివాదాస్పద చర్యలను భారత్ కట్టిపెట్టాలని చైనా విదేశాంగ మంత్రిత్వ శాఖ ప్రతినిథి లూకాంగ్ సోమవారం ఇక్కడ మీడియా సమావేశంలో అన్నారు. సరిహద్దు వివాదం విషయంలో మొదటినుంచీ కూడా చైనా ఓ స్పష్టమైన, నిర్దిష్టమైన వైఖరినే అవలంభిస్తూ వచ్చిందని వెల్లడించారు. అరుణాచల్ ప్రదేశ్‌ను దక్షిణ టిబెట్‌గా చైనా పేర్కొంటున్న నేపథ్యంలో భారత రాష్టప్రతి పర్యటనపై అడిగిన ప్రశ్నకు సమాధానంగా ఆయన ఈ విషయాన్ని స్పష్టం చేశారు. చర్చలు, సంప్రతింపుల ద్వారా ఈ వివాదాస్పద అంశాన్ని పరిష్కరించుకునేందుకు ఇరు దేశాలూ ప్రయత్నిస్తున్నాయని పేర్కొన్నా చైనా విదేశాంగ ప్రతినిధి ‘ఉభయ దేశాలకూ ఆమోదయోగ్యమైన రీతిలోనే సహేతుక పరిష్కార దిశగా అడుగలు వేస్తున్నాం’ అని తెలిపారు. సమస్య పరిష్కారం కాకుండా దాన్ని మరింత జఠిలం చేయడం ఎంతమాత్రం సమంజసం కాదని, తుది నిర్ణయం వెలువడే వరకూ శాంతి సామరస్య వాతావరణాన్ని కాపాడుకోవాలని తెలిపారు.
చిత్రం..అరుణాచల్‌ప్రదేశ్ పోలీసుల గౌరవ వందనం స్వీకరిస్తున్న రాష్టప్రతి రామ్‌నాథ్ కోవింద్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.