అంతర్జాతీయం
కామెరాన్ భవితవ్యం ప్రశ్నార్థకం
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మే 30: ఐరోపా యూనియన్ నుంచి బ్రిటన్ వైదొలుగుతుందా లేదా అన్నదానిపై అంతర్జాతీయంగా చర్చలు చెలరేగుతున్న నేపథ్యంలో బ్రిటిష్ ప్రధాని డేవిడ్ కామెరాన్ నాయకత్వానికి తీవ్రసవాళ్లు ఎదురవుతున్నాయి. వచ్చేనెల 23న ఇందుకు సంబంధించి ప్రజాభిప్రాయ సేకరణ జరగబోతోంది. ఐరోపా యూనియన్‌లో యునైటెడ్ కింగ్‌డమ్ సభ్యత్వం విషయంలో కామెరాన్ వ్యవహరించిన తీరు అసంబద్ధంగా ఉందంటూ అధికార కన్జర్వేటివ్ పార్టీ ఎంపీలే తీవ్రస్థాయిలో ధ్వజమెత్తుతున్నారు. ఐరోపా యూనియన్‌లో బ్రిటన్ సభ్యత్వాన్ని కాపాడే దిశగా ఆయన వ్యూహాత్మక చర్యలు చేపట్టకపోతే కన్జర్వేటివ్ పార్టీ నేతగానే కాకుండా బ్రిటన్ ప్రధానిగా కూడా కామెరాన్ భవితవ్యం ప్రశ్నార్థకమవుతుందని రెబల్ ఎంపీలు హెచ్చరిస్తున్నారు. ఎట్టి పరిస్థితుల్లోనూ నిర్ణయాత్మక మెజారిటీతో ఐరోపా యూనియన్‌లో బ్రిటన్ సభ్యత్వాన్ని కాపాడుకోవాల్సిన బాధ్యత కామెరాన్‌పై ఉందని తెలిపారు.
ఒకవేళ ఈ మెజారిటీ ఏమాత్రం తగ్గినా లేదా ఐరోపా యూనియన్ నుంచి బ్రిటన్ వైదొలకతప్పని పరిస్థితి ఎదురైనా కామెరాన్ నాయకత్వానికి అంతిమగడియలు ఆసన్నమైనట్టేనని టోరీ ఎంపీ నాడైన్ డోరిస్ స్పష్టం చేశారు. అలాగే ఐరోపా యూనియన్ నుంచి బ్రిటన్ వైదొలగడాన్ని బలపరుస్తున్న మరో పార్టీ ఎంపీ యాండ్రూ బ్రిడ్జన్ కూడా కామెరాన్ ప్రకటనలపై విరుచుకుపడ్డారు. ఎంతమంది తన ప్రతిపాదనలను బలపరుస్తారన్న విషయంలో స్పష్టత లేకుండా చాలా తీవ్రస్థాయిలోనే కామెరాన్ ప్రకటనలు గుప్పిస్తున్నారని ఆయన ఆరోపించారు. ఇదే పరిస్థితి కొనసాగితే ఆయన మద్దతుదారుల సంఖ్య మరింతగా తగ్గిపోయే అవకాశం ఉందని తెలిపారు. ఇప్పటికే బ్రెడ్జిట్ విషయంలో కన్జర్వేటివ్ పార్టీ నిలువునా చీలిపోయిందని అన్నారు. ఇలాంటి పరిస్థితుల్లో క్రిస్మస్‌లోగానే జాతీయ ఎన్నికలు నిర్వహించి ప్రజాభిప్రాయం కోరాలని తెలిపారు. రిఫరెండం తరువాత కామెరాన్ నాయకత్వంపైనే ఓటింగ్ జరిగే అవకాశం ఉందని వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.