Others
పాహిమాం పరమేశ్వరా!
S ,7 à 8 RSCA (si SASPAS) et 6 cialis pharmacie cialis rapports de stage.
తే.గీ. మల్లికార్జున స్వామి సేమమ్ము నిడగ
శ్రీగిరీ భ్రమరాంబికా శీస్సులంది
పద్య సమమాలనల్లితి భక్తితోడ
పాహిమాం పరమేశ్వరా! పార్వతీశ!
భావం: శ్రీశైల మల్లికార్జున స్వామీ! నీవు క్షేమాన్ని ప్రసాదించగా ఆ భ్రమరాంబికాదేవి ఆశీస్సులందుకుని భక్తితో పద్య సుమమాలలనల్లి సమర్పించుకుంటాను.
తే.గీ. కనులు నీకప్పగించంగఁ గాంచనేను ఁ
దిన్నడినిఁ గాకపోతినే దేవదేవ
శక్తికొలదిగ నీ నామ జపము దప్ప
పాహిమాం పరమేశ్వరా! పార్వతీశ!
భావం: శంకరా! నా కన్నులు నీకప్పగిద్దామంటే నేను తిన్నడంతటివాడను కాను. శక్తి వంచన లేకుండా నీ జపం మాత్రం జేయగలను స్వామి.
తే.గీ. బుద్ధి పుట్టెను నిను ఁ గూర్తి పొత్తమొకటి
వ్రాయవలెనంచు గౌరీశ! బహువిధాల
పద్యములనల్లనలవోక బ్రతిమనిడుమ
పాహిమాం పరమేశ్వరా! పార్వతీశ!
భావం: గౌరీ శంకరా! నినే్న స్మరిస్తూ పుస్తకం వ్రాయాలనే బుద్ధి పుట్టిందయ్యా. అలవోకగా పద్యాలు అల్లేశక్తిని ప్రసాదించుముస్వామీ!
తే.గీ. కట్టిపడవేసే నన్ను ఁ జీకట్లు కట్లు
విప్పినను విముక్తుడఁ జేతు వీశ్వరుండ
నీ మనంబు నెఱుంగదా నా మనంబు
పాహిమాం పరమేశ్వరా! పార్వతీశ!
భావం: ఈశ్వరా! అజ్ఞానమనే చీకట్లు నన్ను కట్టిపడవేసాయి. ఆ కట్లు విప్పి నన్ను బంధ విముక్తుడను చేయవయ్యా. నీ మనస్సెలాందో నాకు తెలియనిదా స్వామీ.
తే.గీ. మూర్తి త్రయమందు నొకడివై మోకరిల్లు
వారికండగ నిలుచుండి వరములమిత
ముగ నొసంగెడి లయకారి మునిహృదయుడ !
పాహిమాం పరమేశ్వరా! పార్వతీశ!
భావం: ఓ లయకారీ మునిమానస సంచారీ! మూర్తి త్రయంలో ఒకడివైన నీవు నీముందు మోకరిల్లే వారికి అండగా ఉండి వరాలను అధికంగా ఇచ్చే దయామయుడివి నీవేనయ్యా.
తే.గీ. ఎట్టి యవతారములను నీవెన్నడైనఁ
దాల్చలేదాయెఁ గాని నా తలపుఁగాంచి
యవతరించితివే హృదినావహించి
పాహిమాం పరమేశ్వరా! పార్వతీశ!
భావం: శంకరా! నీవెన్నడూ ఎలాంటి అవతారాల నెత్తలేదు. కానీ నా మనసులోని భావాన్ని గ్రహించి నా హృదయమంతా ఆవహిస్తూ అతవరించిన మహానుభావుడవు నీవే స్వామి.
తే.గీ. ప్రజల రక్షణ భారమావశ్యకముగఁ
దలచి యాశ్మశానంబునే వలచినావు;
నీకు సాటెవ్వరును రారు నీలకంఠ!
పాహిమాం పరమేశ్వరా! పార్వతీశ!
భావం: ఓ నీలకంఠా! ప్రజలను సంరక్షించడమే థ్యేయంగా ఇష్టపడి నివాస స్థావరంగా శ్మశానాన్ని ఎంచుకున్న నీకు సాటెవ్వరూ రారు స్వామీ.
Related Articles
మానవత్వం గురించి చాలామంది చాలా చెబుతుంటారు. అసలు మానవత్వం ఉండాలి అని ప్రత్యేకంగా చెప్పడంలోని అంతరార్థం ఏముంటుంది? మనుషులన్నాక మానవత్వం ఉండి తీరాలి కదా. మానవత్వం లేకుండా ఇంత పని చేశారు అనే మాటలు మనం వింటుంటాం. కనికరం, మానవత్వం, ఇలాంటి మాటలు ప్రత్యేకంగా చెప్పాల్సిన అవసరం ఏముంది?
3‘‘ఓరుూ మానవుడా! బలవంతునివి కమ్ము.’’ , 3‘‘ఓ మానవులారా! మీ పాదాలపై మీరు నిలబడి స్వతంత్రులు కండు2’’ అని మన వేదాలు, ఉపనిషత్తులు పలుకుతున్నాయి. ప్రతి మనిషిలోను బలం, బలహీనత రెండూ ఉంటాయి. కానీ బలహీనత వల్ల దుర్బలుగా ఉండడం తగదని మన ఉపనిషత్తులు ఉద్ఘోషిస్తున్నాయి.
యద్ ద్యావ ఇంద్ర తే శతం శతం భూమీరుత స్యుః
న త్వా వజ్రిన్ త్సహస్రం సూర్య అను న జాతమష్ట రోదసీ
భావం: ఓ పరమాత్మా! నీవు సంకల్పించి సృష్టించిన ఎన్నో ఊర్థ్వలోకాలు పృథివీలోకాలు అంతరిక్షంలోగల అనేక లోకాలు, అనేక సూర్యమండలాలు నిన్ను సమీపింపజాలకున్నాయి.
అప్పటికే ‘‘ఇష్టదేవతా వందన, సుకవి స్తుతులగు కవితతినికృతులజేసి, నవీన కావ్యరచనకు ననుకూల కదల్’’ దలంచుచున్న పెద్దనతో, ‘అతుల పురాణాగమేతిహాసకథార్థ స్మృతియుతుడవు ఆంధ్ర కవితాపితామహుడవు, చతురవచోనిధివి, శిరీష కుసుమ పేశల సుధా మయోక్తుల పేర్కొన నీకు ఎవ్వరు’ ఈడనుచు ‘కృతి రచింపుము మాకు’ అని ప్రార్థించాడు.
సీ. అంభోధివసన విశ్వంభరావలయంబు*
దనబాహుపురి మరకతము జేసె
నశ్రాంత విశ్రాణ నాసారలక్ష్మికి*
గవికదంబము* జాతకముల జేసె*
గకుబంతనిఖిలరా ణ్ణికరంబు* జరణమం
జీరంబు సాలభంజికల* జేసె
మహనీయనిజవిని ర్మలయశస్సరిసికి
గగనంబు గలహంసకంబు* జేసె