Others
ధారణ.. యోగం
S ,7 à 8 RSCA (si SASPAS) et 6 cialis pharmacie cialis rapports de stage.
ప్రతులకు : H.No. 7-8-51, Plot No. . 18, నాగార్జున సాగర్‌రోడ్, హస్తినాపురం, సెంట్రల్ కాలనీ, ఫేజ్ -2
హైదరాబాద్- 500079
====================================================
ధారణకు, ధ్యానానికి చాలా దగ్గర సంబంధమున్నది. లోతైన ధ్యానస్థితికి చేరటానికి ధారణ అతి ముఖ్యమైనదిగా చెప్పబడింది. ఇతర విషయములపైకి మనసును పోనీయకుండా, ధ్యేయ వస్తువుపైనే మనస్సు నిలిపి ఉంచుటను ధారణయని సామాన్యార్థము. లౌకిక వ్యవహారములో మనము చూచిన వస్తువునో, చదివిన లేక వినిన విషయమునో ఎక్కువకాలము జ్ఞప్తియందుంచుకొనుటను ధారణాశక్తిగా అనుకుంటున్నాము. ధారణకు ముఖ్య లక్ష్యము, సద్యఃస్ఫురణయే, పరీక్షలు వ్రాయు విద్యార్థులకు, అవధానము చేయు పండితులకు ఇది చాలా అవసరము. అభ్యసించిన విద్య లేక చదివిన విషయము జ్ఞప్తికి వచ్చుటయే సద్యఃస్ఫురణము. ఇట్టి సద్యఃస్ఫురణకు ధ్యానమత్యవసరము. మన భారతీయ పురాణేతిహాసములలో ధారణ, సద్యఃస్ఫురణలకు సంబంధించి అనేక ఐతిహ్యాలను మనం గమనించవచ్చును. ఉదాహరణకు, మహాభారత యుద్ధములో కర్ణుడికి, భార్గవాస్తమ్రు స్ఫురణకు రాలేదు. ‘‘పరశురామ దత్తమయిన భార్గవాస్త్రంబను పేరిటి మహనీయ సాధనంబప్పుడు, రాధేయునకుం బ్రతిభాసింపకుండె’’ అంటే పరశురాముడంతటి గురువు వద్ద విద్య నభ్యసించినను, కర్ణునకు సద్యఃస్ఫురణ లేకపోవుటచే కావలసిన అస్త్ర విద్య స్ఫురణకు రాలేదని అర్థము. దీనికి శాపాది కారణములుండవచ్చును. ఇక్కడ అర్జునుని విషయం మనకు స్ఫురణకు వస్తుంది. ఆయన ధారణశక్తి చాలా గొప్పది. సైంధవుణ్ణి సూర్యాస్తమయంలోపు సంహరిస్తానని ప్రతిజ్ఞ చేసినపుడు శ్రీకృష్ణపరమాత్మ అర్జునునితో, పరమేశ్వర ప్రసాదితమైన పాశుపతాస్త్ర సంబంధిత మంత్రములను స్ఫురణకు తెచ్చుకుని, బాగుగా ధారణ చేయమని హెచ్చరిస్తాడు. అప్పుడర్జునుడు, పాశుపతాస్త్ర మంత్రములను, చక్కటి సద్యఃస్ఫురణతో బాగుగా ధారణ చేసి పరమేశ్వరానుగ్రహాన్ని పొందిన విషయం, మహాభారతమును చదివినవారికి వినినవారికి విదితమే కదా!యోగాచార్యుడైన పతంజలి మహర్షి ‘్ధరణ’ విషయమై వేరొక విధంగా వివరించారు. అట్టి విషయాన్ని పరిశీలిద్దాము. ఇంద్రియ నిగ్రహంతో మనసును విషయాసక్తతలేని దానిగా నియంత్రించినపుడు, మనసు అంతర్ముఖమై తన మూలమైన స్వరూపాన్ని తెలుసుకొనుటకు ప్రయత్నించును. ఆ విధంగా ప్రయత్నించగా, ప్రయత్నించగా, పంచ జ్ఞానేంద్రియాలు, సాధకుని వశమవుతాయి. అప్పుడు సాధకుడు తన మనస్సును తనకిష్టమైన వస్తువు లేక విషయముపైన స్థిరముగా నిలుపగలగటాన్ని ధారణ అని పతంజలి మహర్షి వివరించారు. ఒక వ్యక్తి భగవన్నామంపైన మనసును నిలిపి ఉంచితే, మనసు, అట్టి భగవన్నామానే్న ధ్యానిస్తూ కూచుంటుంది. దీనిని ధారణ అంటారు. ఆ విధంగా స్మరణ చేస్తూ ఉండిపోతే, దానిని ధ్యానమంటారు. ఈ విధంగా, ధారణ, ధ్యానముల సంబంధం, బహు సూక్ష్మమైనది. ఇది చంద్రుడు, వెనె్నల సంబంధము వంటిది. మనస్సును ఒకే అంశముపై నిలిపి స్మరణ చేయడాన్ని ‘దారణయని పతంజలి మహర్షి’ చెప్పారు. ఇట్టి ధారణ ‘్ధ్యనమునకు బాగా ఉపకరిస్తుంది.
- ఇంకాఉంది
Related Articles
మానవత్వం గురించి చాలామంది చాలా చెబుతుంటారు. అసలు మానవత్వం ఉండాలి అని ప్రత్యేకంగా చెప్పడంలోని అంతరార్థం ఏముంటుంది? మనుషులన్నాక మానవత్వం ఉండి తీరాలి కదా. మానవత్వం లేకుండా ఇంత పని చేశారు అనే మాటలు మనం వింటుంటాం. కనికరం, మానవత్వం, ఇలాంటి మాటలు ప్రత్యేకంగా చెప్పాల్సిన అవసరం ఏముంది?
3‘‘ఓరుూ మానవుడా! బలవంతునివి కమ్ము.’’ , 3‘‘ఓ మానవులారా! మీ పాదాలపై మీరు నిలబడి స్వతంత్రులు కండు2’’ అని మన వేదాలు, ఉపనిషత్తులు పలుకుతున్నాయి. ప్రతి మనిషిలోను బలం, బలహీనత రెండూ ఉంటాయి. కానీ బలహీనత వల్ల దుర్బలుగా ఉండడం తగదని మన ఉపనిషత్తులు ఉద్ఘోషిస్తున్నాయి.
యద్ ద్యావ ఇంద్ర తే శతం శతం భూమీరుత స్యుః
న త్వా వజ్రిన్ త్సహస్రం సూర్య అను న జాతమష్ట రోదసీ
భావం: ఓ పరమాత్మా! నీవు సంకల్పించి సృష్టించిన ఎన్నో ఊర్థ్వలోకాలు పృథివీలోకాలు అంతరిక్షంలోగల అనేక లోకాలు, అనేక సూర్యమండలాలు నిన్ను సమీపింపజాలకున్నాయి.
అప్పటికే ‘‘ఇష్టదేవతా వందన, సుకవి స్తుతులగు కవితతినికృతులజేసి, నవీన కావ్యరచనకు ననుకూల కదల్’’ దలంచుచున్న పెద్దనతో, ‘అతుల పురాణాగమేతిహాసకథార్థ స్మృతియుతుడవు ఆంధ్ర కవితాపితామహుడవు, చతురవచోనిధివి, శిరీష కుసుమ పేశల సుధా మయోక్తుల పేర్కొన నీకు ఎవ్వరు’ ఈడనుచు ‘కృతి రచింపుము మాకు’ అని ప్రార్థించాడు.
సీ. అంభోధివసన విశ్వంభరావలయంబు*
దనబాహుపురి మరకతము జేసె
నశ్రాంత విశ్రాణ నాసారలక్ష్మికి*
గవికదంబము* జాతకముల జేసె*
గకుబంతనిఖిలరా ణ్ణికరంబు* జరణమం
జీరంబు సాలభంజికల* జేసె
మహనీయనిజవిని ర్మలయశస్సరిసికి
గగనంబు గలహంసకంబు* జేసె