Others
లోక రీతి
S ,7 à 8 RSCA (si SASPAS) et 6 cialis pharmacie cialis rapports de stage.
తే.గీ. కనుల కెదురుగఁ గన్పట్టు కన్నవారు
తలుప దైవంబుల వ్వారి ఁ దలుపఁబోరు
సేవ మాటెత్త ఁ జిర్రెత్తి చిందులేయుఁ
జూడుమో కర్మసాక్షి యో సూర్య దేవ!
భావం: ప్రత్యక్ష దైవాలైన తల్లిదండ్రులను ఈ కాలంలో నిర్లక్ష్యం చేస్తున్నారు. సేవ పేరెత్తితేనే అంతెత్తు లేచి చిందులేస్తుంటారు. కర్మసాక్షి వైన ఓ సూర్యదేవా చూడవయ్య.
తే.గీ. బంధముల వీడి ధనమునే బంధువుగనుఁ
దలచి వలచియు కడకు నీ వలసిసొలసి
కూలిపోతువా క్షణమందుఁ గూడ రాదె
చూడుమో కర్మసాక్షి యో సూర్య దేవ!
భావం: అన్నిబంధాలను త్రెంచుకుని ధనానే్న సమీప బంధువుగా భావించి ఇష్టపడి చివరకు అలసిపోయి కూలిపోతావు. కూడబెట్టిన ధనం వెంటరాదుకదా. కర్మసాక్షివైన ఓ సూర్య దేవా చూడువయ్య.
తే.గీ. శ్రీల నార్జించుటకు సదాకాతిన
మిగుల యోచించు వారలే జగతియుందు
గడ్డి పరకైన దమవెంటఁ గదలి రాదె
చూడుమో కర్మసాక్షి యో సూర్యదేవ!
భావం: నేటి కాలంలో ఎల్లపుడూ ధనార్జనను గూర్చి ఆలోచిస్తున్నారే కానీ ఒక గడ్డిపరక కూడా తమ వెంట రాదనువిషయాన్ని గ్రహించలేకపోతున్నారు. కర్మసాక్షివైన ఓ సూర్యదేవా! చూడుము.
తే.గీ. ఒకటి వేసియు ఁ బదిలాగునొకడుఁ గాంచ
నదియు వేయక వందలనందునొకడు
వారి పంచన చిల్లర నేరునొకడు
చూడుమో కర్మసాక్షి యో సూర్యదేవ!
భావం: ఒకటి వేసి పదిలాగే తత్వం ఒకడిదైతే, అ ఒక్కటి కూడ వేయకుండా వందలనందుకునేవాడు వేరొకడు. అలాంటి వాళ్లదగ్గర చిల్లర నేరుకునే వాడు మరొకడు. కర్మసాక్షివైన ఓ సూర్యదేవా! చూడవయ్య!
తే.గీ. ప్రాణములఁ దీయు వేగంపు పయనమేల?
మెడలసందుల చరవాణి మెఱయ నేల?
కోరి మరణాలనందెచ్చు కొనెదరేల?
చూడుమో కర్మసాక్షియోసూర్యదేవ!
భావం: ప్రాణాలను తోడేసే వేగవంతమైన ప్రయాణాలెందుకు? వాహన చోదకులు మెడలు వంచి ఆ సందున చరవాణి ని ఇరికించుకుని ప్రయాణ సమయంలో మాట్లాడుతూ కోరి మరణాలను కొని దెచ్చుకోవడం ఎందుకోగదా కర్మసాక్షివైన ఓ సూర్యదేవ! చూడవయ్య!
తే.గీ. బ్రతికి యుండగ రాచి రంపానఁబెట్టి
పిమ్మట త్యంత శ్రద్ధతోఁ బిండములను
పెట్టువారలు లోకానఁ బెచ్చు పెరిగెఁ
జూడుమో కర్మసాక్షి యో సూర్య దేవ!
భావం: బ్రతికినంతకాలం కష్టాల పాలు చేసి, చనిపోయిన తరవాత అత్యంత శ్రద్ధాసక్తులతో పిండాలను పెట్టేవాళ్లుల అధఇక సంఖ్యాకులు. కర్మసాక్షివైన ఓ సూర్యదేవ! చూడవయ్య!
తే.గీ . మంచి చెడులను భావాలు మరలిపోయె
దుష్టకార్యాలు లోకాన ఁ దోరమయ్యె
నేను నాదను భావన నింగిఁ దాకెఁ
జూడుమో కర్మసాక్షి యో సూర్యదేవ!
భావం: మంచి, చెడు అనే భావన లేకుండా పోయింది. లోకంలో చెడుపనులు పెచ్చుపెరిగిపోయాయి. నే నాదనే స్వార్థపూరిత భావన పెరిగిపోయింది. కర్మసాక్షివైన ఓ సూర్యదేవా! చూడవయ్యా!
- ఇంకాఉంది
Related Articles
మానవత్వం గురించి చాలామంది చాలా చెబుతుంటారు. అసలు మానవత్వం ఉండాలి అని ప్రత్యేకంగా చెప్పడంలోని అంతరార్థం ఏముంటుంది? మనుషులన్నాక మానవత్వం ఉండి తీరాలి కదా. మానవత్వం లేకుండా ఇంత పని చేశారు అనే మాటలు మనం వింటుంటాం. కనికరం, మానవత్వం, ఇలాంటి మాటలు ప్రత్యేకంగా చెప్పాల్సిన అవసరం ఏముంది?
3‘‘ఓరుూ మానవుడా! బలవంతునివి కమ్ము.’’ , 3‘‘ఓ మానవులారా! మీ పాదాలపై మీరు నిలబడి స్వతంత్రులు కండు2’’ అని మన వేదాలు, ఉపనిషత్తులు పలుకుతున్నాయి. ప్రతి మనిషిలోను బలం, బలహీనత రెండూ ఉంటాయి. కానీ బలహీనత వల్ల దుర్బలుగా ఉండడం తగదని మన ఉపనిషత్తులు ఉద్ఘోషిస్తున్నాయి.
యద్ ద్యావ ఇంద్ర తే శతం శతం భూమీరుత స్యుః
న త్వా వజ్రిన్ త్సహస్రం సూర్య అను న జాతమష్ట రోదసీ
భావం: ఓ పరమాత్మా! నీవు సంకల్పించి సృష్టించిన ఎన్నో ఊర్థ్వలోకాలు పృథివీలోకాలు అంతరిక్షంలోగల అనేక లోకాలు, అనేక సూర్యమండలాలు నిన్ను సమీపింపజాలకున్నాయి.
అప్పటికే ‘‘ఇష్టదేవతా వందన, సుకవి స్తుతులగు కవితతినికృతులజేసి, నవీన కావ్యరచనకు ననుకూల కదల్’’ దలంచుచున్న పెద్దనతో, ‘అతుల పురాణాగమేతిహాసకథార్థ స్మృతియుతుడవు ఆంధ్ర కవితాపితామహుడవు, చతురవచోనిధివి, శిరీష కుసుమ పేశల సుధా మయోక్తుల పేర్కొన నీకు ఎవ్వరు’ ఈడనుచు ‘కృతి రచింపుము మాకు’ అని ప్రార్థించాడు.
సీ. అంభోధివసన విశ్వంభరావలయంబు*
దనబాహుపురి మరకతము జేసె
నశ్రాంత విశ్రాణ నాసారలక్ష్మికి*
గవికదంబము* జాతకముల జేసె*
గకుబంతనిఖిలరా ణ్ణికరంబు* జరణమం
జీరంబు సాలభంజికల* జేసె
మహనీయనిజవిని ర్మలయశస్సరిసికి
గగనంబు గలహంసకంబు* జేసె