తెలంగాణ
ఐదెకరాల వరకూ రుసుంలేని రిజిస్ట్రేషన్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 3: సాదా కాగితాలపై జరిగిన భూముల అమ్మకాలను (సాదా బైనామా) అధికారికంగా రిజిస్ట్రేషన్ చేసే ప్రక్రియపై రెనిన్యూ శాఖ శుక్రవారం మార్గదర్శకాలు జారీ చేసింది. సాదా బైనామాల ఉచిత రిజిస్ట్రేషన్‌కు దరఖాస్తు చేసుకోవడానికి ఈనెల 15వరకు గడువు విధించింది. సాదా కాగితాలపై జరిగిన భూ లావాదేవీలకు జూన్ 2, 2014 కట్ ఆఫ్ డేట్‌ను ఖరారు చేశారు. ఆలోగా జరిగిన అమ్మకాలకే స్టాంప్ డ్యూటీ మినహాయింపుతో ఉచిత రిజిస్ట్రేషన్ చేయనున్నట్టు రెవిన్యూ శాఖ మార్గదర్శకాల్లో పేర్కొంది. ఈ వెసులుబాటు కేవలం వ్యవసాయ భూములకే వర్తిస్తుందని, ఐదెకరాల వరకు మాత్రమే దీన్ని పరిమితం చేసినట్టు రెవిన్యూ శాఖ పేర్కొంది. రిజిస్ట్రేషన్ చేసిన భూములకు పట్టాదారు పాసు పుస్తకాలు జారీ చేయనున్నట్టు పేర్కొంది. సాదా బైనామాల క్రమబద్ధీకరించుకునే వెసులుబాటు నుంచి హైదరాబాద్ మెట్రో డెవలప్‌మెంట్ ఆథారిటీ (హెచ్‌ఎండిఎ), కాకతీయ అర్బన్ డెవలప్‌మెంట్ అథారిటీ (కుడా), ఇతర మున్సిపల్ కార్పొరేషన్లు, మున్సిపాల్టీలు, నగర పంచాయతీల పరిధిలోని భూములను మినహాయించినట్టు మార్గదర్శకాల్లో పేర్కొన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.