తెలంగాణ
కృష్ణా పుష్కరాలకు 1100 బస్సులు
S ,7 à 8 RSCA (si SASPAS) et 6 cialis pharmacie cialis rapports de stage.
మిర్యాలగూడ టౌన్, జూలై 29: ఆగస్టు 12నుండి జరిగే కృష్ణా పుష్కరాలకు తెలంగాణ లోని పది జిల్లాల నుండి 1100 బస్సులను నడపనున్నట్టు ఆర్టీసీ ఎగ్జిక్యూటివ్ డైరెక్టర్ డి.వేణు తెలిపారు. శుక్రవారం స్థానిక ఆర్టీసి డిపో కార్యాలయంలో ఆయన విలేఖరులతో మాట్లాడుతూ తెలంగాణాలోని మహబూబ్‌నగర్, నల్లగొండ జిల్లాలో ఐదు ముఖ్యమైన పుష్కర ఘాట్లు, అదే విధంగా విజయవాడ ఘాట్లకు హైద్రాబాద్ నుండి 100 ఎసి బస్సులను ప్రతి రోజు నడుపుతామని చెప్పారు. నాగార్జునసాగర్, వాడపల్లి, మట్టపల్లి, బీచుపల్లి, రంగంపల్లి, శ్రీశైలం, సోమశిలలకు అధికంగా బస్సులు ఉంటాయని ఆయన అన్నారు. అన్ని రకాల బస్సులను నడుపుతామని ఆయన అన్నారు. ఘాట్ల వరకు బస్సులు నడిపేందుకు చర్యలు తీసుకుంటున్నామని ఆయన అన్నారు. బస్సులకు ఎలాంటి మరమ్మతులు వచ్చినా వెంటనే సరిచేసేందుకు సంచార వాహనాలుంటాయని ఆయన అన్నారు. ముఖ్యమైన ఘాట్లలో రీజినల్ మేనేజర్, సీనియర్ ఆఫీసర్లను పర్యవేక్షణకు నియమిస్తున్నట్టు ఆయన తెలిపారు. వీరు కాక 80 మంది సెక్యురిటీ సిబ్బంది కూడా పని చేస్తారని ఆయన అన్నారు. కమాండ్ సెంటర్‌లను ఏర్పాటు చేసే ఆలోచన ఉందని ఆయన అన్నారు. కండిషన్‌లో ఉన్న బస్సులను ఏర్పాటు చేస్తున్నామని, అదేవిధంగా 20 కొత్త బస్సులను ఏర్పాటు చేస్తున్నామని ఆయన అన్నారు. ఘాట్ల బస్సు స్టాప్‌ల వద్ద వాటర్‌ప్రూఫ్ టెంట్లను ఏర్పాటు చేస్తున్నామన్నారు. ప్రయాణికులకు ప్రథమ చికిత్స అందించే ఏర్పాట్లు కూడా చేస్తున్నామన్నారు. ఆయన వెంట రీజినల్ మేనేజర్ బి.కృష్ణహరి, డిపో మేనేజర్ బి.సుధాకర్‌రావు, ఎఫ్‌ఎం చంద్రశేఖర్‌లున్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.