పరమహంస బోధామృతము

తత్త్వజ్ఞానము, బ్రహ్మానంద ప్రాప్తి మొదలగునవి మనకు సాధ్యమగుట మాయవలననే. అటులు కానియెడల వీనినన్నిటిని ఎవ్వరు కలనైనను తెలపగలరు? ద్వైతభావమును ఈ దృశ్య ప్రపంచమును మాయనుండియే పుట్టుచున్నవి. మాయకవ్వల భోక్త, భోగ్యము అనునవి లేనే లేవు.
65.పిల్లి తన కూనలను పండ్లతో కరచి పట్టుకొనునపుడు ఆ కూనలకే అపాయము నుండదు. కాని ఆ పిల్లి ఎలుకనట్లు పట్టుకొనునేని అది చచ్చును. అటులనే మాయ యితరులను నాశనము చేయును కాని భక్తులనెన్నడును నశింపజేయదు.
మూడవ ప్రకరణము
మాయ: కామినీకాంచనములు
కామమే బంధకారము -కామము: ఆత్మ వికాసము - కామమును జయించుటెట్లు? కాంచన మోహమును జయించుటెట్లు?
కామమే బంధకారణము
66.మాయ యనగా నేమి? పారమార్థిక సాధనకు - ఆత్మ వికాసమునకు- అడువచ్చుచుండు కామమే మాయ.
67.సర్వము ధ్వంసము చేయుదానిని మాయ యనవలయునా, మదనాగ్ని యనవలయునా?
68.కామినీ కాంచనములందరి మోహముచే సంసార బద్ధులగు నరులు వానిమూలమున వేనవేలు అవమానములను పొందుచున్నను వాని బంధమును విదళించుకొని మనస్సును భగవంతునివైపు త్రిప్పజాలకున్నారు.
69.సంసారులారా! కామినులను నమ్మకుడు, అతిక పటముగా వారు మిమ్ము లోబరచుకొందరు!
70. నీవెంత నాగరూకతతో మెలగువాడవైనను పొగచూరి మసిపాఱియున్న గదిలో వాసము చేయుచున్న పక్షమున కొంచెమో గొప్పయో మసిడాగులు పడకుండ తప్పించుకోలేవు. ఎంత నిగ్రహ సంపన్నుడైనను, ఎంత బుద్ధిమంతుడైనను నరుడు కాంతాజనము నడుమ నివసించునెడల ఏ కొలదిగనైనను కామచింతలు వాని మనసున పొడసూపక మానవు.
71.సన్నిపాత జ్వరముచే బాధపడుచు సంధించియున్న వానిచెంతను బిందెల కొలది చల్లని మంచినీరును జాడీలకొలది రుచికరములగు నూరుగాయలను బెట్టియుంచినయెల వాని నారగింపవలయునను ఉద్రేకమును ఆపుకొనగలడా? అటులనే కామజ్వరముతో కొట్టుకొనుచు, ఇంద్రియ సుఖములకై ఉబలాటపడువానికి ఒకవైపున కామినులటక్కులను మరొక వైపున ధనాకర్షణులును సిద్ధమైనచో వాని నాతడు నిగ్రహించుకోజాలడు; భక్తిమార్గభ్రష్టుడై పెడచోవ త్రొక్కుట నిశ్చయము.
72.ఒక మార్వాడీ శ్రీరామకృష్ణుని సందర్శించి యిట్లు ప్రశ్నించెను. ‘‘నేనన్నిటిని త్యజించినాను, ఐనను నాకు భగవత్సాక్షాత్కారము కలుగకుండుటకు హేతువేమి?’’
శ్రీ గురుదేవుడ్లి సమాధాన మొసగెను: ‘‘నూనె పోసి యుంచుకొను తోలుతిత్తులను జూచియుదురు కదా? అట్టితిత్తినుండి నూనెనంతయు కార్చివేసి చూడుడు. దాని యడుగునను ప్రక్కలను ఏ కొంచెమో నూనె అంటి పట్టుకొనియే యుండును. కావున నూనె వాసన దానిని విడిచిపోనేపోదు. అదేవిధమున కొంత సంసార వాసన మీయందింకను మిగిలియున్నది’’.
73.కామినియు కాంచనమును నరులను నారాయణుని యెడ విముఖులనుజేసి సంసారమున ముంచివలేయునని జ్ఞప్తినుంచుకొనుడు. తనభార్య మంచిదైనను చెడ్డదైనను మరియెట్టిదైనను నరుడామెను పొగడుచునే యుండుట కడు విచిత్రము!
74.కోతి వేట కాని కాళ్లకడ పడి ప్రాణములు విడుచు రీతిని పురుషుడు సుందరాంగి చరణములకడ బలియగుచున్నాడు.
కామము:ఆత్మవికాసము
75.్భక్తిసాధనలను సాగించి భగవంతుని బొందగోరు వారు కామినీ కాంచనముల యొక్క వలలో బడకుండ కడు జాగరూకులై మెలగవలయును. లేనియెడల యెన్నటికిని సిద్ధిపొందజాలరు.
76.శ్రీ చైతన్యుని నిత్యానందుడిట్లడిగెను: ‘‘నేను చేయు భక్తి బోధనలన్నియు నరుల మానసమూలం దెట్టి ప్రత్యక్షమగు మార్పును గలిగింపజాలకుండుటకు హేతువేమి?’’ అందులకు శ్రీ చైతన్యుడిట్లనియెను: ‘‘స్ర్తిలతోడి సాంగత్యమువలన వారు ఎట్టి తత్త్వబోధనలను మనసులో నిలుపుకొనజాలకున్నారు. తమ్ముడా! నిత్యానందా! వినుము, సంసారమోహితులకు ముక్తిలేదు.’’

శ్రీ రామకృష్ణ బోధామృతము - పరిశోధితమగు 112 మహోపదేశములుగల శ్రీరామకృష్ణ వాక్య రత్నాకరము -
సంగ్రహ జీవిత సహితము - అనువాదకుడు: శ్రీ చిరంతనానందస్వామి