తెలంగాణ
పెద్దల సభకు నామినేషన్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 12: రాష్ట్రం నుంచి ఖాళీ అయిన మూడు రాజ్యసభ స్థానాలకు సోమవారం చివరి తేదీ కావడంతో ఐదు నామినేషన్లు దాఖలయ్యాయి. ఇందులో టిఆర్‌ఎస్ నుంచి ముగ్గురు, కాంగ్రెస్ నుంచి ఒకరు, స్వతంత్ర అభ్యర్థి ఒకరు మొత్తంగా ఐదు నామినేషన్లు దాఖలయ్యాయి. ఖాళీ అయిన మూడు స్థానాలను గెలుచుకునేందుకు తగినంత మెజార్టీ అధికార టిఆర్‌ఎస్ పార్టీ కలిగి ఉండటంతో ఆ పార్టీ తరఫున ముగ్గురు అభ్యర్థులు సోమవారం నామినేషన్లు దాఖలు చేయగా ప్రధాన ప్రతిపక్షం కాంగ్రెస్‌కు తమ అభ్యర్థిని బరిలోకి దింపడంతో ఆ పార్టీ అభ్యర్థి కూడా నామినేషన్ దాఖలు చేసారు. వీరితో పాటు జాజుల భాస్కర్ అనే స్వతంత్ర అభ్యర్థి కూడా తన నామినేషన్ పత్రాన్ని దాఖలు చేయడంతో మూడు రాజ్యసభ స్థానాలకు ఐదు నామినేషన్లు దాఖలయ్యాయి. అధికార పక్షం నుంచి రాజ్యసభ అభ్యర్థులుగా ఎంపికైన జోగినపల్లి సంతోష్‌కుమార్, బండా ప్రకాశ్, బడుగుల లింగయ్య యాదవ్ ముగ్గురు రెండేసి సెట్ల నామినేషన్లను దాఖలు చేయగా కాంగ్రెస్ తరఫున బరిలోకి దిగిన కేంద్ర మాజీ మంత్రి బల్‌రామ్ నాయక్ కూడా రెండేసి సెట్ల నామినేషన్లు దాఖలు చేసారు. టిఆర్‌ఎస్ అభ్యర్థులు మొదట శాసనసభకు ఎదురుగా ఉన్న తెలంగాణ అమరవీరుల స్థూపం వద్దకు ర్యాలీగా చేరుకుని నివాళులు ఆర్పించారు. ఆ తర్వాత వారు శాసనసభ కార్యదర్శి వేదాంతాచారి ఛాంబర్‌కు వెళ్లి ఒక్కొక్కరుగా నామినేషన్లు దాఖలు చేసారు. టిఆర్‌ఎస్ అభ్యర్థులతో కలిసి నామినేషన్ల దాఖలు కార్యక్రమానికి ఉప ముఖ్యమంత్రి కడియం శ్రీహరి, ఎంపి కె కేశవరావు, మంత్రులు హరీశ్‌రావు, నాయిని నరసింహారెడ్డి, తలసాని శ్రీనివాస్‌యాదవ్, జగదీశ్‌రెడ్డి, ప్రభుత్వ విప్ కొప్పుల ఈశ్వర్ తదితరులు హాజరయ్యారు. కాంగ్రెస్ అభ్యర్థి బల్‌రామ్ నాయక్ నామినేషన్ దాఖలు కార్యక్రమానికి ప్రతిపక్ష నేత కె జానారెడ్డి, టిపిసిసి అధ్యక్షుడు ఉత్తమ్‌కుమార్‌రెడ్డి, ఆ పార్టీ నాయకురాలు జె గీతారెడ్డి తదితరులు హాజరయ్యారు.
చిత్రాలు..రాజ్యసభ అభ్యర్థులుగా సోమవారం నామినేషన్లు దాఖలు చేసిన జోగినపల్లి సంతోష్‌కుమార్, బండా ప్రకాశ్, బడుగుల లింగయ్య యాదవ్...
*కాంగ్రెస్ తరఫున నామినేషన్ దాఖలు చేస్తున్న కేంద్ర మాజీ మంత్రి బల్‌రామ్ నాయక్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.