వ్యవసాయ విస్తరణాధికారుల ఎంపిక పరీక్షకు 6479 మంది హాజరు

హైదరాబాద్, జూన్ 4: తెలంగాణ రాష్ట్రంలో వ్యవసాయ శాఖ విస్తరణాధికారుల నియామకానికి పబ్లిక్ సర్వీసు కమిషన్ 4వ తేదీన నిర్వహించిన ఎంపిక పరీక్షకు 6479 మంది హాజరయ్యారు. ఈ పరీక్షకు 7645 మందికి హాల్‌టిక్కెట్లు జారీ చేశామని, 4వ తేదీన ఉదయం పేపర్-1కు 6491 మంది, సాయంత్రం పేపర్-2కు 6479 మంది హాజరయ్యారని కమిషన్ కార్యదర్శి పార్వతి సుబ్రమణియన్ చెప్పారు. హెచ్‌ఎండిఎ పరిధిలో వీరికోసం 26 పరీక్ష కేంద్రాలు ఏర్పాటు చేశామని, నలుగురు జోనల్ అధికారులు ఏడు ఫ్లయింగ్ స్క్వాడ్‌లు నియమించామని పేర్కొన్నారు. పరీక్ష ప్రశాంతంగా ముగిసిందని చెప్పారు.