తెలంగాణ
కొత్తవారు 25
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 17: తెలంగాణ శాసనసభకు సభ్యులుగా ఎన్నికైన వారిలో కొత్తగా మొట్టమొదటి సారి ఎన్నికైన వారు 25 మంది ఉన్నారు. ఉమ్మడి ఆంధ్రప్రదేశ్ శాసనసభలో ఎమ్మెల్యేలుగా పనిచేసిన వారు 16 మంది ఉన్నారు. తెలంగాణ తొలి శాసనసభలో ఎమ్మెల్యేలుగా పనిచేసిన 76 మంది మళ్లీ రెండో శాసనసభకు కూడా ఎన్నికయ్యారు. పార్లమెంట్ సభ్యులుగా పనిచేస్తున్న బాల్కసుమన్, సిహెచ్. మల్లారెడ్డి ఇప్పుడు ఎమ్మెల్యేలుగా ఎన్నికయ్యారు. ఎమ్మెల్సీలుగా పనిచేస్తున్న మైనంపల్లి హన్మంతరావు, పట్నం నరేందర్‌రెడ్డి, కోమటిరెడ్డి వెంకటరెడ్డి ఇప్పుడు ఎమ్మెల్యేలుగా పదవీ ప్రమాణం చేశారు. ప్రస్తుత శాసనసభకు ఎన్నికైన వారిలో ముఖ్యమంత్రి కేసీఆర్ సీనియర్ సభ్యుడు. ఆయన ఎనిమిదో పర్యాయం ఎమ్మెల్యేగా ఎన్నికయ్యారు. ఆ తర్వాత ఎర్రబెల్లి దయాకర్‌రావు, రెడ్యానాయక్, ముంతాజ్ అహ్మద్ ఖాన్ సీనియర్ శాసనసభ్యులని రిక్డాలు చెబుతున్నాయి. వయస్సు రీత్యా పరిశీలిస్తే కాంగ్రెస్ నుండి కొత్తగూడెం నియోజకవర్గానికి ప్రాతినిధ్యం వహిస్తున్న వనమా వెంకటేశ్వరరావు 73 సంవత్సరాలతో అందరికంటే వయస్సులో పెద్దవారు. అలాగే ఇల్లందు నియోజకవర్గం నుండి కాంగ్రెస్ అభ్యర్థిగా ఎన్నికైన భానోతు హరిప్రియ (29) అందరికంటే వయస్సులో చిన్నవారు. పార్టీల వారీగా పరిశీలిస్తే టీఆర్‌ఎస్ నుండి ఎన్నికైన వారు 88 మంది కాగా, కాంగ్రెస్ నుండి 19 మంది ఎన్నికయ్యారు. ఎంఐఎం నుండి ఏడుగురు, టీడీపీ నుండి ఇద్దరు, బీజేపీ నుండి ఒకరు, ఆల్ ఇండియా ఫార్వర్డ్ బ్లాక్ నుండి ఒకరు, స్వతంత్ర అభ్యర్థిగా ఒకరు ఎన్నికయ్యారు. ఆంగ్లో-ఇండియన్ ప్రతినిధిగా స్టీఫెన్‌సన్ రెండోసారి నియామకం అయ్యారు. తెలంగాణ తొలి శాసనసభకు కూడా స్టీఫెన్‌సన్ నియామకం అయ్యారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.