తెలంగాణ
మహిళలకు బీజేపీలో పెద్దపీట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 21: మహిళలకు బీజేపీలో ఎపుడూ పెద్దపీట ఉంటుందని కేంద్ర మాజీ మంత్రి బండారు దత్తాత్రేయ పేర్కొన్నారు. బీజేపీలో చేరిన వెంటనే హైదరాబాద్ చేరుకున్న డీకే అరుణ గురువారం నాడు పలువురు బీజేపీ నేతలను మర్యాదపూర్వకంగా కలుసుకున్నారు. ఇటు బీజేపీ నుండి, అటు కాంగ్రెస్ నుండి అరుణకు సరైన నిర్ణయం తీసుకున్నారంటూ హర్షామోదాలు తెలియచేస్తున్నారు. మరో పక్క బీజేపీ నేతలు ఆమె నిర్ణయాన్ని స్వాగతించారు. దత్తాత్రేయ నివాసానికి వచ్చిన అరుణ ఆయనతో కొద్ది సేపు చర్చలు జరిపారు. పార్టీలో పనిచేసేవారికి ఎపుడూ ప్రాధాన్యత ఉంటుందని, కేంద్ర మంత్రివర్గంలోనూ మహిళలకు ప్రధాని పెద్దపీట వేశారని, కీలక పదవుల్లో వారు పనిచేస్తున్నారని దత్తాత్రేయ పేర్కొన్నారు. కాగా, కాంగ్రెస్‌లోని కొంత మంది నేతలు సైతం తన నిర్ణయం పట్ల సంతోషాన్ని వ్యక్తం చేశారని అరుణ పేర్కొన్నట్టు తెలిసింది. బీజేపీకి చెందిన జీ. కిషన్‌రెడ్డిసహా ఇతర ముఖ్య నాయకులతో కూడా అరుణ భేటీ అయ్యారు.
సంచలన ఆరోపణలు
జైపాల్‌రెడ్డి, ఉత్తమకుమార్‌రెడ్డిసహా పలువురు కాంగ్రెస్ నేతలపై అరుణ సంచలన ఆరోపణలు చేశారు. జైపాల్‌రెడ్డి జనతాదళ్‌ను బొంద పెట్టారని, ఇపుడు కాంగ్రెస్‌ను బొందపెట్టే పనిలో పడ్డారని విరుచుకుపడ్డారు. జైపాల్‌రెడ్డి ఒక మేథావి అనుకొని, ఆయన సలహాలతో ఉత్తమకుమార్ రెడ్డి పనిచేస్తున్నారని ఆరోపించారు. కాంగ్రెస్ పార్టీ బలహీనపడటానికి, నేతలు పార్టీలు మారడానికీ కారణం వీరేనని ఆమె స్పష్టం చేశారు. జిల్లాలో తనకు వ్యతిరేకంగా వంశీచందర్ రెడ్డి, సంపత్ కుమార్, చిన్నారెడ్డితో కలిసి ఉత్తమ్ ఒక గ్రూప్ తయారుచేశారని, వారితో తనకు వ్యతిరేకంగా మాట్లాడించారని ఆరోపించారు. తాను పీసీసీ చీఫ్ రేసులో ఉన్నందునే తనపై ఉత్తమ్ కక్ష కట్టారన్న అరుణ చాలా మంది కాంగ్రెస్ నేతలు తనకు ఫోన్ చేసి మంచి నిర్ణయం తీసుకున్నారని చెబుతున్నారని వ్యాఖ్యానించారు. సబితా ఇంద్రారెడ్డి ఇంటికి ఉత్తమ్ వెళ్లారని, కానీ ఆమెను పార్టీ మారవద్దని చెప్పలేదని అరుణ వివరించారు. టీఆర్‌ఎస్‌లో చేరమని ఆఫర్ వచ్చిందని, కానీ ఆ పార్టీపై పోరాడిన తాను మళ్లీ అందులో ఎలా చేరుతానని ప్రశ్నించారు. కాంగ్రెస్ ఇచ్చిన గౌరవం కంటే ఎక్కువ గౌరవం ఇస్తామని బీజేపీ నేతలు చెప్పారని, రాష్ట్రంలో బీజేపీ ప్రత్యామ్నాయ శక్తిగా ఎదుగుతోందని ఆమె అన్నారు. కాంగ్రెస్‌లో ఎన్నో గ్రూపుల మధ్య పనిచేసిన తనకు బీజేపీలో కొనసాగడం కష్టమేమీ కాదని చెప్పారు.
చిత్రం.. బండారు దత్తాత్రేయను కలిసి మాట్లాడుతున్న డీకే అరుణ
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.