తెలంగాణ
టీఆర్‌ఎస్‌కు మద్దతు ఉపసంహరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 14: హుజూర్‌నగర్ ఉప ఎన్నికలో టీఆర్‌ఎస్‌కు మద్దతు ఉపసంహరించుకుంటున్నట్టు సీపీఐ రాష్ట్ర కార్యదర్శి చాడ వెంకటరెడ్డి తెలిపారు. తెలంగాణలో మారిన రాజకీయ పరిస్థితులను దృష్టిలో ఉంచుకుని హుజూర్‌నగర్ ఉప ఎన్నికలో టీఆర్‌ఎస్‌కు మద్దతు ఇవ్వాలని తొలుత భావించామని ఆయన పేర్కొన్నారు. ఆర్టీసీ కార్మికులు తమ హక్కులు, డిమాండ్లపై గత పది రోజులుగా సమ్మె చేస్తున్నా సమ్మె పట్ల ప్రభుత్వ వైఖరి దుర్మార్గంగా, అన్యాయంగా ఉందని, సమ్మె కార్మికుల చట్టబద్ధమైన హక్కు అని అన్నారు. అలాంటి హక్కును ప్రభుత్వం నిరాకరించడం కార్మిక వ్యతిరేక వైఖరేనని, పైగా వారితో చర్చలకు నిరాకరిస్తూ దాదాపు 48 వేల మంది కార్మికులను నిర్ధాక్షిణ్యంగా తొలగిస్తామని ప్రకటించడం ద్వారా ప్రభుత్వమే కార్మికులను రెచ్చగొట్టిందని అన్నారు. సమ్మె విచ్ఛిన్నానికి ప్రభుత్వం ప్రయత్నించి విఫలమైందని, ఆర్టీసీని ప్రైవేటీకరణ చేయడానికి పూనుకుంటోందని వెంకటరెడ్డి విమర్శించారు. కొత్త రిక్రూట్‌మెంట్ ప్రకటించి నిరుద్యోగ యువకులను ఆర్టీసీ కార్మికులకు వ్యతిరేకంగా తీసుకువచ్చి ఘర్షణ పూరిత వాతావరణాన్ని కలిగించిందని,
ఈ వైఖరి మార్చుకోమని సీపీఐ ఎంతగా చెప్పినా ప్రభుత్వం పట్టించుకోలేదని ఆయన అన్నారు. కార్మికులు ఆత్మహత్యలకు పాల్పడుతున్నారని, మానసిక వ్యధతో మరికొంతమంది గుండెపోటుతో, ఇంకొంతమంది మరణిస్తున్నారని పరిష్కారానికి బదులు ప్రభుత్వం మరింత విద్వేషపూరితంగా వ్యవహరిస్తోందని అన్నారు. ఈ పరిస్థితుల్లో సీపీఐ కార్మికవర్గ పార్టీగా, శ్రామికవర్గ పార్టీగా స్పందించిందని, హుజూర్‌నగర్ ఉప ఎన్నికలో టీఆర్‌ఎస్‌కు మద్దతు ఉపసంహరించాలని తమ పార్టీ నిర్ణయించిందని ఆయన స్పష్టం చేశారు.
*చిత్రం...విలేఖరులతో మాట్లాడుతున్న సీపీఐ రాష్ట్ర కార్యదర్శి చాడ వెంకటరెడ్డి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.