తెలంగాణ
రాజ్యసభ సీటుపై సమాచారం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 11: రాజ్యసభ సీటుపై తనకు పార్టీ అధిష్టానం నుంచి ఎలాంటి సమాచారం అందలేదని ఖమ్మం మాజీ ఎంపీ పొంగులేటి శ్రీనివాస్‌రెడ్డి స్పష్టం చేశారు. బుధవారం శాసనసభకు వచ్చిన శ్రీనివాస్‌రెడ్డి ముఖ్యమంత్రి కల్వకుంట్ల చంద్రశేఖర్‌రావు, పార్టీ వర్కింగ్ ప్రెసిడెంట్ కల్వకుంట్ల తారక రామారావును కలిశారు. అనంతరం అసెంబ్లీ లాబీల్లో ఆయన మీడియాతో మాట్లాడుతూ, రాజ్యసభకు అభ్యర్థుల ఎంపికలో పార్టీ అధిష్టానం నిర్ణయమే ఫైనల్ అని అన్నారు. రాజ్యసభకు ఖాళీ కానున్న రెండు స్థానాలలో ఒక స్థానానికి ఎంపీ కేశవరావు, మరో స్థానానికి పొంగులేటి
శ్రీనివాస్‌రెడ్డి అభ్యర్థిత్వాలు ఖరారైనట్టు టీఆర్‌ఎస్ పార్టీ వర్గాల సమాచారం. ఈ నేపథ్యంలో శ్రీనివాస్‌రెడ్డి అసెంబ్లీలో సీఎం కేసీఆర్‌ను, మంత్రి కేటీఆర్‌ను కలవడం ఈ సమాచారానికి మరింత బలం చేకూరింది. ఇలాఉండగా శాసనమండలికి ఖాళీ అయిన రెండు స్థానాలకు కూడా అభ్యర్థుల ఎంపిక పూర్తయినట్టు తెలిసింది. నిజామాబాద్ జిల్లా స్థానిక సంస్థల నియోజకవర్గం ఎమ్మెల్సీ అభ్యర్థిగా అసెంబ్లీ మాజీ స్పీకర్ కేఆర్ సురేశ్‌రెడ్డి, గవర్నర్ కోటా ఎమ్మెల్సీ అభ్యర్థిగా సీఎం ఓఎస్‌డీ దేశపతి శ్రీనివాస్ ఎంపికైనట్టు టీఆర్‌ఎస్ వర్గాల సమాచారం. అయితే దీనిపై తనకు ఎలాంటి సమాచారం లేదని అసెంబ్లీ లాబీల్లో దేశపతి శ్రీనివాస్‌ను కలిసిన మీడియా ప్రతినిధులతో వ్యాఖ్యానించారు.
ఇలాఉండగా రాజ్యసభకు నామినేషన్ల దాఖలుకు శుక్రవారం గడువు ముగియనుండడంతో టీఆర్‌ఎస్ తన అభ్యర్థులను గురువారం ప్రకటించే అవకాశం ఉంది. రాజ్యసభకు ఖాళీ అయిన రెండు స్థానాలను గెలుచుకోవడానికి టీఆర్‌ఎస్‌కు పూర్తి బలం ఉండడంతో ఎంపిక చేసిన అభ్యర్థుల ఎన్నిక లాంఛనప్రాయమే కానుంది.
*చిత్రం...బుధవారం ముఖ్యమంత్రి కేసీఆర్‌ను కలుసుకున్న రాజ్యసభ సీటును ఆశిస్తున్న కే కేశవరావు, పొంగులేటి శ్రీనివాస్ రెడ్డి తదితరులు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.