వైద్య సిబ్బంది అప్రమత్తం

హైదరాబాద్ : వర్షాల వల్ల అంటువ్యాధులు వ్యాపించే ప్రమాదం ఉన్నందున వైద్య సిబ్బంది అప్రమత్తంగా ఉండాలని వైద్య ఆరోగ్య శాఖ మంత్రి సి లక్ష్మారెడ్డి సూచించారు. అంటు వ్యాధులు ప్రబలే అవకాశం లేకుండా అన్ని విధాలుగా వైద్య సేవలు అందించేందుకు సిద్ధంగా ఉండాలని ఆదేశించారు. అన్ని వైద్య శాలల్లో ఔట్ పేషెంట్ కౌంటర్లను పెంచాలని చెప్పారు. అదే విధంగా ఔట్ పేషెంట్ కౌంటర్లలో పని వేళలలను కూడా పెంచాలని సూచించారు. ఓపిలో చివరి పేషంట్ వరకు వైద్య సేవ అందించాలని చెప్పారు. మందుల కొరత లేదని, వైద్య శాలల వారిగా అవసరమైన మందులను వెంటనే తెప్పించుకోవాలని లక్ష్మారెడ్డి సూచించారు.