తెలంగాణ
గవర్నర్‌తో కెసిఆర్ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 5: గవర్నర్ ఇఎస్‌ఎల్ నరసింహన్‌తో ముఖ్యమంత్రి కె చంద్రశేఖర్‌రావు సోమవారం సాయంత్రం సమావేశమయ్యారు. రాజ్‌భవన్‌లో గవర్నర్‌తో దాదాపు గంటసేపు సమావేశమైన ముఖ్యమంత్రి పలు అంశాలపై చర్చించినట్టు అధికార వర్గాల సమాచారం. ఈ నెల మూడవ వారంలో వారం రోజుల పాటు శాసనసభ, శాసనమండలి శీతాకాల సమావేశాల నిర్వహణపై గవర్నర్‌కు వెల్లడించినట్టు తెలిసింది. అలాగే కలెక్టర్లతో ఈ నెల 14న నిర్వహించబోయే సమావేశంపై కూడా గవర్నర్‌కు చెప్పినట్టు సమాచారం. పెద్ద నోట్ల రద్దు ప్రభావంతో రాష్ట్ర ఆదాయ వనరులకు వాటిల్లిన నష్టాన్ని వివరించడంతో పాటు కేంద్ర ప్రభుత్వం రాష్ట్రానికి ఇటీవల విడుదల చేసిన రూ.1800 కోట్లతో కొంత ఉపశమనం లభించినట్టు అయిందని ముఖ్యమంత్రి అభిప్రాయపడినట్టు తెలిసింది. రాష్ట్రంలో తగ్గిన ఆదాయం వల్ల ఎదురయ్యే పరిస్థితిని ప్రధాన మంత్రి దృష్టికి తీసుకెళ్లడంతో వెంటనే స్పందించి కేంద్ర పన్నులలో రాష్ట్ర వాటాలో గత నెలలో కోత విధించిన రూ.600 కోట్లను కూడా విడుదల చేయడం పట్ల రాష్ట్ర ప్రభుత్వం తరఫున కేంద్రానికి, ముఖ్యంగా ప్రధానికి ఈ సందర్భంగా ముఖ్యమంత్రి కృతజ్ఞతలు తెలిపినట్టు తెలిసింది. వీరిద్దరి మధ్య జరిగిన సంభాషణాలలో తమిళనాడు ముఖ్యమంత్రి జయలలిత ఆరోగ్య పరిస్థితి కూడా చర్చకు వచ్చినట్టు తెలిసింది.
చిత్రం..రాజ్‌భవన్‌లో గవర్నర్ నరసింహన్‌ను కలుసుకున్న ముఖ్యమంత్రి కెసిఆర్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.