తెలంగాణ
ఆన్‌లైన్‌లో ముక్కోటి ఏకాదశి టిక్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, డిసెంబర్ 9: భద్రాచలం శ్రీ సీతారామచంద్రస్వామి దేవస్థానం ఈసారి ముక్కోటి ఏకాదశి ఉత్తరద్వార దర్శనం టిక్కెట్లను ఆన్‌లైన్‌లో విక్రయించనుంది. ప్రయోగాత్మకంగా తొలిసారి ఈ ప్రక్రియకు దేవస్థానం శ్రీకారం చుట్టింది. మొత్తం నాలుగు వేల టిక్కెట్లలో 50 శాతం అంటే 2వేల టిక్కెట్లను ఆన్‌లైన్‌లో విక్రయించనుంది. మిగిలిన 50 శాతం టిక్కెట్లలో 25 శాతం దేవస్థానం, 25 శాతం రెవెన్యూ శాఖ ద్వారా విక్రయించనున్నారు. ఏటా శ్రీరామనవమి, ముక్కోటి ఏకాదశి వేళల్లో అధికారుల పెత్తనంతో భక్తులకు దర్శన భాగ్యం కల్గడం లేదు. చివరి వరకు టిక్కెట్లను తమ వద్దనే ఉంచుకోవడం, చివరి క్షణంలో టిక్కెట్లు మిగిలాయనడం పరిపాటిగా మారింది. దీనివల్ల భక్తులకు అన్యాయం జరగడంతో పాటు దేవస్థానానికి కూడా టిక్కెట్లపై ఆదాయం తక్కువగా వస్తోంది. వివిఐపి, ఏ,బి,సి,డి,ఇ,ఎఫ్ సెక్టార్లుగా విభజించి టిక్కెట్లను కేటాయిస్తున్నారు. వివిఐపి టిక్కెట్ ధర రూ.1000లు. ఇవి 750 ఉంటాయి. ఏ నుంచి ఇ వరకు రూ.500ల టిక్కెట్లు. ఇవి 2580 ఉంటాయి. ఎఫ్ సెక్టార్ టిక్కెట్ ధర రూ.250లు. ఇవి 650 ఉంటాయి.
ఈ నెల 30న ముక్కోటి ఏకాదశి ఉత్సవాలు ప్రారంభమవుతున్నాయి. జనవరి 8న తెప్పోత్సవం, 9న వైకుంఠ ఏకాదశి ఉత్తర ద్వారదర్శనం నిర్వహించనున్నారు.
చిత్రం.. భద్రాచలం శ్రీ సీతారామచంద్ర స్వామి ఆలయం
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.