తెలంగాణ
ఆడపిల్లలను గౌరవించాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 9: గురు శిష్యుల అనుబంధం చాలా గొప్పదని రాష్ట్ర గవర్నర్ ఇఎస్‌ఎల్ నరసింహన్ అన్నారు. విలువలతో కూడిన విద్యనూ అందించడం గురువుల బాధ్యత అని ఆయన పేర్కొన్నారు. బేగంపేట పబ్లిక్ స్కూల్‌లో జరుగుతున్న 77వ ఇండియన్ పబ్లిక్ స్కూల్స్ కాన్ఫరెన్స్‌లో గవర్నర్ ఇఎస్‌ఎల్ నరసింహన్ పాల్గొన్నారు. మన సంస్కృతి, సంప్రదాయాలతో పాటు పెద్దలను, ఆడపిల్లలను గౌరవించడం చిన్నప్పటి నుండి పిల్లలకు నేర్పించాలని అన్నారు. ఈ సందర్భంగా జీవిత సాఫల్య పురస్కారాన్ని డాలీ కాలేజీ ప్రిన్సిపాల్ సుమీర్ సింగ్‌కు అందజేశారు. మూలాలను పటిష్టం చేసుకుంటూ అవకాశాల రెక్కలను విచ్చుకోవడం అనే సందేశంతో మూడు రోజుల పాటు దేశంలో ప్రసిద్ధి చెందిన పబ్లిక్ స్కూల్ ప్రిన్సిపాల్స్‌తో ఈ సదస్సు జరుగుతోంది. ఇందులో కమాండర్ వి కె బంగా, కెప్టెన్ ఎ జె సింగ్, నిషి మిశ్రా, డాక్టర్ జగ్‌ప్రీత్ సింగ్, రమేష్ చంద్ర జోషి, విద్యావంత్ ఆచార్య, హైదరాబాద్ పబ్లిక్ స్కూల్ ప్రిన్సిపాల్ లతా శంకర్ తదితరులు పాల్గొన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.