తెలంగాణ
తెలుగు, ఉర్దూలోనూ అసెంబ్లీ వెబ్‌సైట్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 4: తెలంగాణ అసెంబ్లీకి కొత్త వనె్న రాబోతున్నది. ఉమ్మడి రాష్ట్రం నుంచి మొదలుకుని ఇప్పటి వరకు అసెంబ్లీ వెబ్‌సైట్ కేవలం ఇంగ్లీషులోనే ఉన్నది. తాజాగా శాసనమండలి కార్యదర్శి డాక్టర్ ఎస్. రాజా సదారామ్ తెలుగు, ఉర్దూలోనూ వెబ్‌సైట్ ప్రారంభించాలన్న ఆలోచన చేశారు. దీంతో రీసెర్చ్ ఆఫీసర్ ప్రభాకర్ రెడ్డి ప్రభృతులతో కలిసి ఆయన దీనిని సంపూర్ణం చేశారు. ఉర్దూ, తెలుగు వెబ్‌సైట్‌ను ఈ నెల 6న (సోమవారం) ఉదయం 10.30 గంటలకు అసెంబ్లీ కమిటీ హాలులో కౌన్సిల్ చైర్మన్ కె. స్వామిగౌడ్, అసెంబ్లీ స్పీకర్ ఎస్. మధుసూదనా చారి, రాష్ట్ర నీటి పారుదల, శాసనసభ వ్యవహారాల శాఖ మంత్రి టి. హరీష్ రావు ప్రారంభించనున్నారు. ఈ వెబ్‌సైట్ ప్రారంభంతో మూడు భాషల్లో వెబ్‌సైట్ ఉన్న రాష్ట్రంగా తెలంగాణ మొదటి స్థానాన్ని ఆక్రమిస్తుంది. పార్లమెంటుకు ఇంగ్లీషు, హిందీ ఉన్నప్పటికీ, ఇంగ్లీషు ఒక్కటే నిర్విఘ్నంగా నిర్వహించగలుగుతున్నది. ముస్లింల ఆధిపత్యం ఉన్న జమ్మూ-కాశ్మీర్ రాష్ట్రంలోనూ ఉర్దూ వెబ్‌సైట్ లేదు. కేవలం ఇంగ్లీషు మాత్రమే ఉంది. ఏ రాష్ట్రంలోనూ రెండు భాషల్లో వెబ్‌సైట్‌లు లేవు. కానీ తెలంగాణ కౌన్సిల్, అసెంబ్లీ మూడు భాషల్లో వెబ్‌సైట్ రూపుదిద్దుకున్నది.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.