తెలంగాణ
నిరంతరాయంగా విద్యుత్ సరఫరా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 9: వేసవిలో విద్యుత్ సరఫరాకు ఎలాంటి అంతరాయం కలుగకుండా కార్యాచరణను రూపొందించుకోవాలని విద్యుత్ సంస్థలను ట్రాన్స్‌కో, జెన్‌కో చైర్మన్ అండ్ మేనేజింగ్ డైరెక్టర్ దేవులపల్లి ప్రభాకర్‌రావు ఆదేశించారు. ప్రస్తుత రబీ సీజన్‌తో పాటు వేసవిలో విద్యుత్ సమస్య తలెత్తకుండా తీసుకోవాల్సిన చర్యలపై విద్యుత్ సంస్థలతో ప్రభాకర్‌రావు గురువారం సమన్వయ సమావేశం నిర్వహించారు. ఈ సందర్భంగా ప్రభాకర్‌రావు మాట్లాడుతూ, ఈ నెల 6వ తేదీన అత్యధికంగా 9003 మెగావాట్ల విద్యుత్ డిమాండ్ నమోదు అయిందన్నారు. ఈ నెల చివరి వరకు గరిష్టంగా విద్యుత్ డిమాండ్ 10,000 మెగావాట్లకు చేరుకునే అవకాశం ఉందన్నారు. విద్యుత్ డిమాండ్ ఎంత వరకు పెరిగినా డిమాండ్ మేరకు నిరంతర విద్యుత్ సరఫరాకు చర్యలు తీసుకోవాలని సూచించారు. సింగరేణి నుంచి వచ్చే 1200 మెగావాట్లు, 1180 మెగావాట్ల సౌరవిద్యుత్ వల్ల విద్యుత్ కొరత తలెత్తకుండా దోహదం చేస్తుందన్నారు.
సదరన్ డిస్కామ్ సిఎండి రఘుమారెడ్డి మాట్లాడుతూ, రైతాంగానికి తొమ్మిది గంటల విద్యుత్ సరఫరా కోసం అదనంగా విద్యుత్ లైన్లు ఏర్పాటు, ట్రాన్స్‌ఫార్మర్ల ఏర్పాటు వల్ల మెరుగైన విద్యుత్ సరఫరా చేయగలుగుతున్నామన్నారు. గత 16 నెలలలో అదనంగా 54 కొత్త 132/33 కెవి సబ్ స్టేషన్లు ఏర్పాటు చేశామన్నారు. తెలంగాణ ప్రభుత్వం నిరంతర విద్యుత్ సరఫరా కోసం చేపడుతున్న చర్యలను పిజిసిఐఎల్ సిఎండి స్వయంగా ఫోన్ చేసి అభినందించారన్నారు. స్థానిక అసిస్టెంట్ ఇంజనీర్లు, ఇతర సిబ్బంది స్థానికంగా ఉండి విధులు నిర్వహించాలన్నారు. ఈ రబీ సీజన్‌లో అత్యధిక విద్యుత్ సరఫరాకు డిమాండ్ ఉండటంతో ఎక్కడా అంతరాయం ఏర్పడకుండా అప్రమత్తంగా ఉండాలని ఆయన సూచించారు. విద్యుత్ సరఫరాకు అంతరాయం ఏర్పడినప్పుడు ఇంజనీర్లు వెంటనే స్పందించాలని, లేనిపక్షంలో రైతులు స్వతహాగా విద్యుత్ పునరుద్ధరణ కోసం పూనుకుంటారని దీని వల్ల ప్రమాదాలు జరగడానికి ఆస్కారం ఉంటుందన్నారు. అలాంటి పరిస్థితి ఎక్కడైనా తలెత్తితే దానికి అసిస్టెంట్ ఇంజనీర్లను బాధ్యులుగా చేసి క్రమశిక్షణా చర్యలు తీసుకుంటామని ఆయన హెచ్చరించారు. పగటిపూట తొమ్మిది గంటల విద్యుత్ సరఫరా చేయాలని ప్రభుత్వం యోచిస్తోందని, ఆ దిశగా విద్యుత్ సంస్థలు సిద్ధంగా ఉండాలన్నారు.
చిత్రం.. హైదరాబాద్‌లో గురువారం జరిగిన విద్యుత్ సంస్థల
సమన్వయ సమావేశంలో మాట్లాడుతున్న ట్రాన్స్‌కో, జెన్‌కో సిఎండి దేవులపల్లి ప్రభాకర్‌రావు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.