తెలంగాణ
ఎయిర్‌గన్‌తో భార్యపై కాల్పులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/మేడ్చల్, మార్చి 14: మేడ్చల్ జిల్లా గౌడవెల్లిలో కాల్పులు కలకలం రేపాయి. ఓ ఫామ్ హౌస్‌లో సింగిరెడ్డి వెంకట్‌రెడ్డి అనే వ్యక్తి ఎయిర్‌గన్‌తో తన భార్యపై కాల్పులు జరిపాడు. తీవ్రంగా గాయపడిన వెంకటరెడ్డి భార్య శిరీషను బేగంపేట్‌లోని కిమ్స్ ఆసుపత్రికి తరలించారు. వైద్యులు శస్త్ర చికిత్స చేసి ఆమె శరీరంలోని బుల్లెట్లను తొలగించారు. ఆమెకు ప్రాణాపాయం తప్పిందని వైద్యులు తెలిపారు. సోమవారం రాత్రి జరిగిన ఈ సంఘటన ఆలస్యంగా వెలుగుచూసింది. మొదట ప్రమాదవశాత్తు ఎయిర్‌గన్ పేలినట్టు వార్తలు రాగా, పోలీసులు సంఘటనాస్థలాన్ని పరిశీలించి రెండు ఎయిర్‌గన్‌లను స్వాధీనం చేసుకున్నారు. వెంకట్‌రెడ్డిని అదుపులోకి తీసుకుని విచారిస్తున్నట్టు డిసిపి సాయిశేఖర్ తెలిపారు. ఈ సంఘటనపై విచారణ జరుపుతోన్న సిఐ శంకర్ యాదవ్ కాల్పులపై పూర్తి వివరాలు తెలియాల్సి ఉందని చెప్పారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.