తెలంగాణ
పోలీస్ శాఖలో 16మంది అసిస్టెంట్ కమాండెంట్ల బదిలీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 11: తెలంగాణ పోలీస్ శాఖలో పలువురు అధికారుల బదిలీలు, నియామకాలు జరిగాయి. 16 మంది అసిస్టెంట్ కమాండెంట్లను బదిలీ చేస్తూ రాష్ట్ర డైరెక్టర్ జనరల్ ఆఫ్ పోలీస్ అనురాగ్ శర్మ మంగళవారం ఉత్తర్వులు జారీ చేశారు. హైదరాబాద్‌లో పనిచేస్తున్న టిఎస్‌ఎస్‌పి ఒకటో బెటాలియన్ అసిస్టెంట్ కమాండెంట్ ఎం జయరాజు, మమ్నూర్ నాల్గో బెటాలియన్‌కు బదిలీ అయ్యారు. అదేవిధంగా కె సుబ్రహ్మణ్యం గద్వాల జిల్లాలోని పదో బెటాలియన్ అసిస్టెంట్ కమాండెంట్‌గా, నిజామాబాద్ ఏడో బెటాలియన్ అసిస్టెంట్ కమాండెంట్‌గా పనిచేస్తున్న పి వెంకటరాములు మమ్నూర్ నాలుగో బెటాలియన్‌కు బదిలీ అయ్యారు. అక్కడ పనిచేస్తున్న జయప్రకాష్ నారాయణను మంచిర్యాల జిల్లాలోని 13వ, బెటాలియన్‌కు బదిలీ అయ్యారు. రంగారెడ్డి జిల్లా కొండాపూర్‌లో ఎనిమిదో బెటాలియన్ అసిస్టెంట్ కమాండెంట్‌గా పనిచేస్తోన్న ఎస్ శ్రీనివాసరావును మమ్మూర్ నాలుగో బెటాలియన్‌కు, అక్కడ పనిచేస్తున్న ఏ అంజయ్యను నల్గొండ జిల్లా 12వ, బెటాలియన్ అసిస్టెంట్ కమాండెంట్‌గా బదిలీ చేస్తూ ఉత్తర్వులు జారీ అయ్యాయి. గద్వాల జిల్లా పదో బెటాలియన్‌లో పనిచేస్తున్న ఎంజిఎస్ ప్రకాష్‌రావు, భూపాలపల్లి జిల్లా ఐదో బెటాలియన్‌కు, 12వ, బెటాలియన్ అసిస్టెంట్ కమాండెంట్ బి సీతారామ్‌ను నిజామాబాద్ జిల్లా ఏడో బెటాలియన్‌కు బదిలీ అయ్యారు. అలాగే ఖమ్మం జిల్లా సత్తుపల్లి 15వ, బెటాలియన్ అసిస్టెంట్ కమాండెంట్‌గా పనిచేస్తోన్న ఎల్ ఛత్రియ నాయక్ కొత్తగూడెం 6వ, బెటాలియన్‌కు, సిరిసిల్లరాజన్న జిల్లా అసిస్టెంట్ కమాండెంట్ సిహెచ్ సాంబశివరావు ఇబ్రహీంపట్నం మూడో బెటాలియన్‌కు బదిలీ అయ్యారు. వెయిటింగ్‌లో వున్న పి సత్యనారాయణను ఖమ్మం జిల్లా 15వ, బెటాలియన్‌కు అటాచ్ చేస్తూ ఉత్తర్వులు జారీ అయ్యాయి. అదేవిధంగా ఏపి నుంచి వచ్చి వెయిటింగ్‌లో ఉన్న అనిల్‌కుమార్ నాయక్ డిఎస్పీ ఇంటెలిజెన్స్‌కు, టి గంగారాం, హైదరాబాద్ ఒకటో బెటాలియన్‌కు బదిలీ అయ్యారు. ఆంధ్రా నుంచి వచ్చి వెయిటింగ్‌లో ఉన్న ఆర్ నాగేశ్వరరావు హైదరాబాద్ ఆర్‌బివిఆర్‌ఆర్ టిఎస్‌పిఏ డిఎస్పీగా, ఎస్ శ్రీ్ధర్‌రాజు సత్తుపల్లి 15వ, బెటాలియన్ అసిస్టెంట్ కమాండెంట్‌గా, కెవి రవిచంద్రను రంగారెడ్డి జిల్లా 8వ, బెటాలియన్ అసిస్టెంట్ కమాండెంట్‌గా నియమిస్తూ ఉత్తర్వులు జారీ అయ్యాయి.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.