తెలంగాణ
ట్విన్ టవర్లపై హైకోర్టు స్టే ఎత్తివేత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 6: రాజధానిలోని బంజరాహిల్స్‌లో రాష్ట్రప్రభుత్వం ప్రతిష్టాత్మకంగా తలపెట్టిన పోలీసు కమాండ్ కంట్రోల్ సెంటర్ జంట టవర్ల నిర్మాణంపై హైకోర్టు సింగిల్ జడ్జి ఇచ్చిన స్టేను ధర్మాసనం బెంచ్ ఎత్తివేసింది. ఈ మేరకు తాత్కాలిక ప్రధాన న్యాయమూర్తి జస్టిస్ దిలీప్ బి బోసలే, జస్టిస్ పి నవీన్‌రావుతో కూడిన ధర్మాసనం బుధవారం ఉత్తర్వులు జారీ చేసింది. స్టే ను సవాలు చేస్తూ తెలంగాణ రాష్ట్రప్రభుత్వం హైకోర్టు ధర్మాసనాన్ని ఆశ్రయించింది. ఈ సందర్భంగా అడ్వకేట్ జనరల్ కె రామకృష్ణారెడ్డి వాదనలు వినిపిస్తూ 1982లోనే పోలీసు శాఖకు రాష్ట్రప్రభుత్వం భూమిని బదలాయించిందన్నారు. జంట టవర్లు నిర్మితమవుతున్న 8 ఎకరాల స్ధలంలో ఐదు ఎకరాలు తమదే నంటూ అఫ్సర్ అలీ మరో 16 మంది హైకోర్టు సింగిల్ జడ్జి కోర్టులో గత వారం పిటిషన్ దాఖలు చేశారు. దీనిపై సింగిల్ జడ్జి కోర్టు స్టే మంజూరు చేసింది. వెంటనే రాష్ట్రప్రభుత్వం ధర్మాసనం వద్ద అపీల్‌కు వెళ్లింది. ఈ రోజు వాదనలు విన్న తర్వాత హైకోర్టు స్టే కొట్టివేసింది. పిటిషనర్లు కూడా పిటిషన్‌ను ఉపసంహరించుకుంటామని కోర్టుకు తెలిపారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.