తెలంగాణ
బస్ భవన్ ఎదుట ఎఐటియుసి ధర్నా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 23: తెలంగాణ రాష్ట్ర రోడ్డు రవాణా సంస్థలో కాంట్రాక్టు పద్దతిలో నియమితులై, శిక్షణ పూర్తి చేసుకున్న డ్రైవర్లకు వెంటనే ఉద్యోగాలు ఇవ్వాలని డిమాండ్ చేస్తూ సోమవారం ఆర్టీసీ క్రాస్ రోడ్డులోని బస్ భవన్ ఎదుట ఎఐటియుసి ధర్నా నిర్వహించింది. ఏఐటియుసి గ్రేటర్ శాఖ ఆధ్వర్యంలో జరిగిన కార్యక్రమంలో డ్రైవర్లు పాల్గొన్నారు. ఈ సందర్భంగా ఏఐటియుసి ప్రధాన కార్యదర్శి ఎం నరసింహ నేతృత్వంలోని ప్రతినిధి బృందం సంస్థ మేనేజింగ్ డైరెక్టర్‌కు ఒక వినతి పత్రం సమర్పించింది. ఈ ధర్నాలో ఏఐటియుసి ప్రధాన కార్యదర్శి నరసింహ మాట్లాడుతూ, టిఎస్‌ఆర్టీసీలో మహబూబ్‌నగర్, రంగారెడ్డి రీజియన్‌లలో కాంట్రాక్టు పద్దతిలో డ్రైవర్లను నియమించి, హకీంపేటలోని జోనల్ ట్రైనింగ్ కళాశాలకు శిక్షణ నిమిత్తం పంపించారన్నారు. అయితే శిక్షణ పూర్తి చేసుకున్న సుమారు 400 మంది డ్రైవర్లకు ఉద్యోగాలు ఇవ్వలేదన్నారు. అంతేకాకుండా తమకు ఉద్యోగాలు ఇవ్వాలని కోరితే సంస్థ రీజియన్ మేనేజర్లు వారి డ్రైవింగ్ లైసెన్స్‌లను తీసుకుని తమ వద్దే పెట్టుకున్నారని ఆయన ఆరోపించారు. శిక్షణ పూర్తి చేసిన డ్రైవర్లకు డ్యూటీలు కేటాయించకపోవడంతో ఆర్థిక ఇబ్బందులు ఎదుర్కొంటున్నారని ఆయన ఆందోళన వ్యక్తం చేశారు. వెంటనే శిక్షణ పూర్తి చేసుకున్న డ్రైవర్లకు ఉద్యోగాలు ఇవ్వాలని, లేనిపక్షంలో ఏఐటియుసి తరఫున ప్రత్యేక కార్యాచరణకు దిగాల్సి వస్తుందని ఆయన హెచ్చరించారు. ఈ కార్యక్రమంలో ఏఐటియుసి నాయకులు ఆర్ శ్రీనివాస్‌గౌడ్, కె గోపి, ఎం సుధాకర్, రాజు, రఫీఖ్ తదితరులు పాల్గొన్నారు.
చిత్రం..ఆర్టీసి క్రాస్ రోడ్డులోని బస్ భవన్ ఎదుట సోమవారం ఎఐటియుసి ఆధ్వర్యంలో ధర్నా నిర్వహిస్తున్న దృశ్యం
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.