అంతర్జాతీయం
హెచ్-1బి వీసాల దుర్వినియోగాన్ని ఆపండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 2: అమెరికా వర్కర్లస్థానం లో చౌకగా లభించే విదేశీ వర్కర్లను నియమించుకోవడం కోసం ఔట్‌సోర్సింగ్ సంస్థలు హెచ్- 1బి, ఎల్-1 వీసాలను దుర్వినియోగం చేయడాన్ని ఆపాలని, అమెరికా కాంగ్రెస్ ఉభయ సభ ల్లో పలుకుబడిన సభ్యులతో కూడిన బృందం అధ్యక్షుడు డొనాల్డ్ ట్రంప్‌కు ఒక లేఖ రాసింది. జూలై 27న రాసిన ఈ లేఖను మంగళవారం మీడియాకు విడుదల చేశారు. ఈ లోపాలను తొలగించి అమెరికా వర్కర్లకు రక్షణ కల్పించడం కోసం అత్యున్నత నైపుణ్యం ఉండే ఉద్యోగాలను అమెరికా వర్కర్లకు లభించకుండా చేస్తున్న ఔట్‌సోర్సింగ్ కంపెనీలను కట్టడి చేయడం కోసం మొత్తం వీసా విధానాన్ని ప్రక్షాళన చేయడం కోసం తాము ఒక చట్టాన్ని ప్రవేశపెట్టినట్లు ఆ గ్రూపు తమ లేఖలో పేర్కొంది. చాలాకాలంగా హెచ్-1బి వీసాల దుర్వినియోగం జరుగుతున్న కారణంగా తాము ఈ లేఖ రాస్తున్నామని, అధ్యక్షుడిగా మీకున్న విశేషాధికారాలను ఉపయోగించి దీనికి అడ్డుకట్ట వేయాలని కోరుతున్నామని వారు ఆ లేఖలో పేర్కొన్నారు. అయితే చట్టంలో లోపాలున్న కారణంగా వీసా విధానాన్ని చట్టపరంగా సంస్కరించాల్సిన అవసరం కూడా ఉందని తాము భావిస్తున్నామని వారు ఆ లేఖలో పేర్కొన్నారు. కాంగ్రెస్ సభ్యుడు బిల్ పాస్క్రెల్ నేతృత్వంలో రూపొందించిన ఈ లేఖపై సెనేటర్ రిచర్డ్ డర్బిన్, కాంగ్రెస్ సభ్యులు డేవ్ బ్రాట్, రో ఖన్నా, పౌల్ ఎ గోసర్ తదితరులు సంతకాలు చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.