సికింద్రాబాద్, మే 17: అభివృద్ధి సాధనకోసం శ్రమించే సమయంలో అందుబాటులో ఉన్న వనరుల పరిధిలోనే ఉత్పాదకత పెంచడానికి సాంకేతికపై ఎక్కువగా ఆధారపడాలని దక్షిణ మధ్య రైల్వే జనరల్ మేనేజర్ రవీంద్ర గుప్త పేర్కొన్నారు. అంతర్జాతీయ టెలీకమ్యూనికేషన్ యూనియన్ 151వ వార్షికోత్సవాన్ని పురస్కరించుకుని సికింద్రాబాద్‌లోని రైల్‌నిలయంలోప్రపంచ టెలికమ్యూనికేషన్, ఇన్‌ఫర్మేషన్ సొసైటీ దినోత్సవాన్ని నిర్వహించారు.

వనస్థలిపురం, మే 17: ప్రజల అభిప్రాయం మేరకు తూర్పు రంగారెడ్డి జిల్లాగా ఏర్పాటు చేయాలని, లేకుంటే ఉద్యమం చేస్తామని ఎల్‌బినగర్ ఎమ్మెల్యే కృష్ణయ్య హెచ్చరించారు. రంగారెడ్డి జిల్లా జెఎసి ఆధ్వర్యంలో మలక్‌పేట, మహేశ్వరం, ఉప్పల్, ఎల్‌బినగర్, ఇబ్రహీంపట్నం నియోజకవర్గాలతో తూర్పు రంగారెడ్డి జిల్లాగా ఏర్పాటు చేయాలని అన్నారు.

ధారూర్, మే 17: ప్రజలకు అధికారులు అందుబాటులో ఉండాలని, రెవెన్యూ పనుల్లో అలసత్వం వహిస్తే సహించేది లేదని వికారాబాద్ సబ్‌కలెక్టర్ శృతి ఓఝా అన్నారు. మంగళవారం మండల కేంద్రంలోని స్ర్తి శక్తి భవన్‌లో మండల స్థాయి అధికారులతో సమీక్షా సమావేశం నిర్వహించారు. ఈ సందర్భంగా ఆమె మాట్లాడుతూ పాఠశాలలు పునః ప్రారంభయ్యే నాటికి విద్యార్థులకు కావలసిన ఆదాయ, కుల ధ్రువీకరణ పత్రాలు సకాలంలో ఇవ్వాలన్నారు.

ఘట్‌కేసర్, మే 17: జీవిత బీమా పేరుతో పేదప్రజల నుండి కోటిన్నర రూపాయలు వసూలుచేసి ఓ సంస్థ బిచాణా ఎత్తేసిన సంఘటన ఘట్‌కేసర్ మండలంలో ఆలస్యంగా వెలుగులోకి వచ్చింది. విషయం తెలుసుకున్న బాధితులు సంస్థ ప్రతినిధి ఇంటిముందు ఆందోళనకు దిగారు. మండల పరిధి అవుషాపూర్ గ్రామంలోని పేదప్రజలను నమ్మించి పిఎసిఎల్ లిమిటెడ్ అనే బీమా సంస్థలో అదేగ్రామానికి చెందిన ప్రతినిధి డబ్బులు కట్టించాడు. నెలకు రూ.