రాష్ట్రీయం
పంచాయతీ అధికారిపై ఏసిబి దాడులు
S ,7 à 8 RSCA (si SASPAS) et 6 cialis pharmacie cialis rapports de stage.
రాష్ట్ర వ్యాప్తంగా 11 చోట్ల సోదాలు
సుమారు రూ.2 కోట్ల ఆస్తుల గుర్తింపు
ఏలూరు, నవంబర్ 30 : ఆదాయానికి మించి ఆస్తులు ఉన్నాయన్న ఆరోపణలు రావడంతో పశ్చిమ గోదావరి జిల్లా పంచాయతీ అధికారి ఎల్ శ్రీ్ధర్‌రెడ్డి, స్నేహితులు, బంధువుల ఇళ్లలో సోమవారం అవినీతి నిరోధక శాఖ (ఏసిబి) అధికారులు సోదాలు ప్రారంభించారు. తెల్లవారుజామునుంచి ఏకకాలంలో దాడులు మొదలై, కొనసాగుతున్నాయి. రాష్ట్రంలో దాదాపు 11 చోట్ల ఈ సోదాలు కొనసాగుతున్నాయి. పశ్చిమ గోదావరి జిల్లా ఎసిబి డిఎస్‌పి కె రాజేంద్ర ఆధ్వర్యంలో మొత్తం తొమ్మిది బృందాలు ఈ దాడుల్లో పాల్గొన్నాయి. పశ్చిమ గోదావరి జిల్లా కేంద్రం ఏలూరులో మూడు చోట్ల, తణుకులో ఒకచోట, కృష్ణాజిల్లా విజయవాడలోని ఆయన స్వగృహంపైనా, నెల్లూరులో శ్రీ్ధర్‌రెడ్డి స్నేహితుని ఇంటిపైనా, కడపలోరెండు చోట్ల, హైదరాబాద్‌లో ఒక చోట ఈ దాడులు కొనసాగుతున్నాయి. ఏలూరు, విశాఖపట్నం, కాకినాడ, విజయనగరం, విజయవాడ, గుంటూరు జిల్లాలకు చెందిన ఎసిబి ఇన్‌స్పెక్టర్లు దాడుల్లో పాల్గొన్నారు. దాడుల్లో సుమారుగా రెండు కోట్ల రూపాయల వరకు ఆస్తులు ఇంత వరకు వెలుగు చూసినట్లు ఎసిబి డిఎస్‌పి కె రాజేంద్ర పేర్కొన్నారు. అయితే వీటి మార్కెట్ విలువ కనీసం ఆరు నుంచి ఏడు కోట్ల రూపాయల పైగానే ఉంటుందని భావిస్తున్నారు. పశ్చిమ జిల్లా కేంద్రం ఏలూరులో డిపిఒ శ్రీ్ధర్‌రెడ్డి అద్దెకు ఉంటున్న ఇంట్లో, ఆర్‌ఆర్‌పేటలోని ఒక అపార్ట్‌మెంట్‌లో, జిల్లా పంచాయితీ కార్యాలయంలోనూ విస్తృతంగా సోదాలు నిర్వహించారు. తణుకులో రిటైర్డ్ పంచాయితీ కార్యదర్శి గోపాలరావు ఇళ్లలోనూ ఈ సోదాలు జరుగుతున్నాయి. అలాగే విజయవాడలోని ఆయన సొంత ఇంటిలోనూ పరిశీలన జరుగుతుండగా కడపలో ఆయన మామ ఓబుల్‌రెడ్డి, రాయచోటిలో ఆయన తండ్రి కృష్ణారెడ్డి ఇళ్లపైనా ఈ దాడులు సాగుతున్నాయి. మంగళవారం డిపిఒ బ్యాంకు లాకర్లను కూడా తెరిచే అవకాశముందని తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.