రాష్ట్రీయం
మోతుగూడెంలో విద్యుత్ ఉత్పత్తికి బ్రేకు!
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, మే 2: సీలేరు జలాలపై ఆధారపడిన తూర్పు గోదావరి జిల్లాలోని మోతుగూడెం జలవిద్యుత్ కేంద్రంలో నేటి నుండి ఉత్పత్తి నిలిపివేస్తున్నారు. నీటి కొరత కారణంగా విద్యుదుత్పత్తికి బ్రేకు పడింది. మంగళవారం నుండి 12 రోజులపాటు విద్యుదుత్పత్తి నిలుపుదలచేస్తూ జెన్‌కో అధికారులు నిర్ణయం తీసుకున్నారు. నీటి లభ్యత లేకపోవడంతో ఇప్పటికే గత నాలుగు రోజులుగా ఇదే జిల్లాలోని డొంకరాయి జల విద్యుత్ కేంద్రంలో విద్యుదుత్పత్తి నిలిచిపోయింది. నీటి లభ్యత లేని కారణంగా మోతుగూడెంలో 2నుండి 3 మిలియన్ యూనిట్లకు పడిపోయిన విద్యుదుత్పత్తి సోమవారం మరింత గడ్డు పరిస్థితి ఎదురుకావడంతో 0.25 మిలియన్ యూనిట్లకు పడిపోయింది. ఎగువ సీలేరు నుండి డొంకరాయికి నీరందని స్థితిలో ఉత్పత్తి పునరుద్ధరణ ఎప్పుడు చేపడతారో అర్ధం కానిపరిస్థితి. మోతుగూడెంలో విద్యుదుత్పత్తి నిలుపుదల చేస్తూ తీసుకున్న పనె్నండు రోజుల కాల వ్యవధిలో ప్రధాన కాలువ పూడికతీత, మరమ్మతులు వంటి పనులు చేపట్టేందుకు జెన్‌కో అధికారులు ప్రభుత్వానికి నివేదిక పంపించారు. వేసవి దృష్ట్యా ఎక్కడైనా పీక్ స్టేజ్ వస్తే అత్యవసర స్థితిలో మోతుగూడెం ఉత్పత్తిచేసే విధంగా కూడా అవకాశం ఉంటుందని అధికారులు అంటున్నారు. ఏదేమైనా ఇటు పుష్కర నీటి వినియోగం, ప్రస్తుత నీటి ఎద్దడి వెరసి మోతుగూడెంలో ఉత్పత్తికి బ్రేకు పడిందని తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.