రాష్ట్రీయం
భారీ బడ్జెట్‌పై కసరత్తు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 24: ఆంధ్రప్రదేశ్ రాష్ట్ర బడ్జెట్ కంటే ఎక్కువ ఉండేలా బడ్జెట్ ప్రవేశపెట్టాలని తెలంగాణ ప్రభుత్వం యోచిస్తుంది. ఈ ఆర్థిక సంవత్సరానికి (2016-17) ఆంధ్రప్రదేశ్ రాష్ట్రం కంటే కనీసం పది లక్షలైనా ఎక్కువ ఉండేందుకు ఆర్థిక శాఖ అధికారులు కసరత్తు చేస్తున్నట్టు అధికార వర్గాల సమాచారం. ఈ ఏడాది ఆంధ్రప్రదేశ్ ప్రభుత్వం రూ. లక్ష 30 వేల కోట్ల ప్రతిపాదనతో బడ్జెట్ ప్రవేశ పెట్టబోతుందని తెలంగాణ అధికారులు అంచన వేస్తున్నారు. ఆ రాష్ట్రాని కంటే కనీసం రూ. 10 వేల కోట్లు ఎక్కువ ఉండేలా రూ.లక్ష 40 వేల కోట్లతో బడ్జెట్ ప్రవేశ పెట్టాలని తెలంగాణ ప్రభుత్వం భావిస్తుంది. ఆంధ్రప్రదేశ్ రాష్ట్రం కంటే ముందుగా ఈ నెలాఖరులోనే శాసనసభలో బడ్జెట్ ప్రవేశపెట్టాలని తెలంగాణ ప్రభుత్వం ముందు అనుకుంది.
అయితే జిహెచ్‌ఎంసి ఎన్నికల ప్రక్రియ పూర్తి అయిన తర్వాత ఫిబ్రవరి రెండవ వారంలో శాసనసభ బడ్జెట్ సమావేశాలు ప్రారంభించాలని తాజాగా తెలంగాణ ప్రభుత్వం నిర్ణయించినట్టు అధికార వర్గాల సమాచారం. ద్రవ్య నిర్వహణ విధానం (ఎఫ్‌ఆర్‌బిఎం) మేరకు రాష్ట్రాలకు రుణ పరిమితి పెరిగే వెసులుబాటు ఉంటుంది.
కేంద్రం నుంచి ఎక్కువ గ్రాంట్ పొందడానికి రాష్ట్ర బడ్జెట్‌తో ముడిపడి ఉండటంతో పొరుగు రాష్ట్రం ఆంధ్రప్రదేశ్ కంటే ఎక్కువ రుణ పరిమితి పొందాలన్న వ్యూహాన్ని తెలంగాణ ప్రభుత్వం అనుసరిస్తున్నట్టు అధికార వర్గాల సమాచారం. ఈ ఏడాది ప్రవేశ పెట్టాలని భావిస్తున్న రూ. లక్ష 40 వేల కోట్ల బడ్జెట్‌లో ప్రణాళిక వ్యయం రూ. 62 వేల కోట్లు, ప్రణాళికేతర వ్యయం రూ. 78 వేల కోట్ల నుంచి రూ. 80 వేల కోట్లు ఉండే అవకాశం ఉందని ఆర్థిక శాఖ అధికార వర్గాల విశ్వనీయ సమాచారం. ఈ ఏడాది తమ బడ్జెట్ రూ. లక్ష 30 వేల కోట్లు ఉండే అవకాశం ఉందని ఆంధ్రప్రదేశ్ ఆర్థిక శాఖ మంత్రి యనమల రామకృష్ణుడు సూచనప్రాయంగా వెల్లడించిన సమాచారాన్ని తెలంగాణ ఆర్థిక శాఖ అధికారులు పరిగణనలోకి తీసుకొని బడ్జెట్ ప్రతిపాదనలను సిద్ధం చేస్తున్నట్టు తెలిసింది. రాష్ట్ర విభజన జరిగిన తర్వాత బడ్జెట్ రూపకల్పనలో ఇరు రాష్ట్రాలు పోటి పడుతున్నాయి. రాష్ట్ర విభజన తర్వాత (2014-15) ఆర్థిక సంవత్సరానికి తెలంగాణ ప్రభుత్వం రూ.1,00,637 కోట్లతో బడ్జెట్‌ను ప్రవేశపెట్టిన విషయం తెలిసిందే. అయితే అదే ఆర్థిక సంవత్సరానికి ఆంధ్రప్రదేశ్ ప్రభుత్వం రూ. 1,11,824 కోట్లతో బడ్జెట్ ప్రవేశపెట్టింది. ఆ మరుసటి సంవత్సరం 2015-16 ఆంధ్రప్రదేశ్ ప్రభుత్వం రూ. 1,13,049 కోట్లతో బడ్జెట్ ప్రవేశపెట్టగా, అంతకంటే ఎక్కువ ఉండేలా రూ. 1,15,689 కోట్లతో తెలంగాణ ప్రభుత్వం బడ్జెట్ ప్రవేశపెట్టింది. ప్రణాళిక వ్యయం కంటే ప్రణాళికేతర వ్యయాన్ని ఎక్కువ చూపెట్టడం ద్వారా ఈ ఏడాది బడ్జెట్‌ను ఆంధ్రప్రదేశ్ రాష్ట్రాన్ని అధిగమించే విధంగా తెలంగాణ రాష్ట్ర ఆర్థికశాఖ అధికారులు కసరత్తు చేస్తున్నట్టు అధికార వర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.