రాష్ట్రీయం
చంచల్‌గూడ జైలు తరలింపు
S ,7 à 8 RSCA (si SASPAS) et 6 cialis pharmacie cialis rapports de stage.
నగర శివారుకు రేస్‌కోర్స్
వీటిస్థానే గురుకుల స్కూళ్లు
జూన్‌నాటికి పూర్తిచేయాలి
ముఖ్యమంత్రి కెసిఆర్ ఆదేశం
హైదరాబాద్, డిసెంబర్ 29: నగరంలోని చంచల్‌గూడ సెంట్రల్ జైలును చర్లపల్లికి, మలక్‌పేటలోని రేస్‌కోర్స్‌ను నగర శివారుకు తరలించాలని సిఎం చంద్రశేఖర్‌రావు ఆదేశించారు. తరలించిన తర్వాత రెండు స్థలాలను గురుకుల పాఠశాలల నిర్మాణానికి ఉపయోగించాలని సూచించారు. సచివాలయంలో మంగళవారం మైనార్టీ సంక్షేమంపై ఉప ముఖ్యమంత్రులు మహమూద్ అలీ, కడియం శ్రీహరి, సిఎస్ రాజీవ్ శర్మ, మైనార్టీ సంక్షేమశాఖ కార్యదర్శి ఉమర్ జలీల్, ఎసిబి డైరెక్టర్ జనరల్ ఎకె ఖాన్ తదితరులతో సిఎం సమీక్షా సమావేశం నిర్వహించారు. వచ్చే ఏడాది జూన్‌లో మైనార్టీ విద్యార్థుల కోసం 60 గురుకుల పాఠశాలలు ప్రారంభించాలని ఆదేశించారు. వాటి నిర్మాణాల కోసం స్థలాలను గుర్తించాలని ఆదేశించారు. చంచల్‌గూడ జైలును చర్లపల్లికి తరలించాలని, అలాగే రేస్ కోర్స్‌ను నగర శివారుకు తరలించి వాటి స్థానంలో గురుకుల పాఠశాల నిర్మాణం జరపాలని సూచించారు. రాష్టవ్య్రాప్తంగా వచ్చే జూన్‌నాటికి మైనార్టీలకు 60 గురుకుల పాఠశాలలు ప్రారంభించాలని, వీటిలో 30 బాలికలకు, 30 బాలుర కోసం కేటాయించాలన్నారు. వీటికి మైనార్టీ సంక్షేమ శాఖ నిధులు కేటాయించినప్పటికీ, నిర్వహణ బాధ్యతను విద్యాశాఖ స్వీకరించాలన్నారు. వీటిలో ఇంగ్లీష్ మీడియంలోనే విద్యా బోధన జరగాలని, మొదటి ఏడాది 5, 6, 7 తరగతుల్లో ప్రవేశాలు కల్పించి ప్రతి ఏడాదీ ఒక్కో తరగతి పెంచుకుంటూ ఇంటర్మీడియట్ వరకు అక్కడే విద్యా బోధన జరగేలా చూడాలని సూచించారు. ఎట్టి పరిస్థితుల్లో జూన్‌లో మైనార్టీ గురుకుల పాఠశాలలు ప్రారంభం కావాలని, వీటికి అవసరమైన చర్యలు తీసుకోవాలని అంటూనే, మైనార్టీ సంక్షేమ శాఖ, విద్యాశాఖలు సమన్వయంతో పనిచేయాలన్నారు. మొదటి ఏడాది అద్దె భవనాల్లో పాఠశాలలు ప్రారంభించి, 2017 నాటికి కొత్త భవనాల్లోకి వాటిని తరలించేలా చర్యలు చేపట్టాలన్నారు. వీటికి అవసరమైన బోధన, బోధనేతర సిబ్బంది నియామకాలకు డిఎస్సీ నోటిఫికేషన్‌తోపాటే జారీ చేయాలని ఆదేశించారు. ఖాళీగా ఉన్న ఉర్దూ ఉపాధ్యాయుల పోస్టులన్నింటినీ భర్తీ చేయాలని సూచించారు. మైనార్టీలు ఎక్కువ ఉన్నచోట గురుకుల పాఠశాలలు ఏర్పాటు చేయాలని, వాటికోసం స్థలాలను గుర్తించాలన్నారు. వీటికోసం వక్ఫ్ బోర్డు స్థలాలను కూడా వినియోగించుకోవచ్చని సూచించారు. ఒక్కో భవనాన్ని రూ.20 కోట్లతో ఆరు ఎకరాల విస్ణీర్ణంలో ఏర్పాటు చేయాలని సూచించారు. ఈ బడ్జెట్‌లోనే గురుకుల పాఠశాలల ఏర్పాటుకు నిధులు కేటాయించనున్నట్టు సిఎం వెల్లడించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.