పవన’వేగంతో.. !
S ,7 à 8 RSCA (si SASPAS) et 6 cialis pharmacie cialis rapports de stage.
రెండేళ్ల గ్యాప్ తీసుకున్నా -రీఎంట్రీలోనే పవన’వేగం చూపిస్తున్నాడు కల్యాణ్. పాలిటిక్స్‌ని బ్యాలెన్స్ చేస్తూనే -ప్రొఫెషనల్ కెరీరిజంపై సీరియస్ ఫోకస్ పెట్టినట్టే కనిపిస్తోంది. మళ్లీ అసెంబ్లీ ఎన్నికల రాజకీయాలకు నాలుగేళ్ల టైంవుంది కనుక -రెండేళ్లు సినిమాలకు కేటాయించి.. రాజకీయాలను నడిపించే కనీస ఆర్థిక సామర్థ్యం సమకూర్చుకోవాలన్న యోచనతో ఉన్నట్టు పవన్ చెప్పకనే చెబుతున్నాడు. ఇప్పటికే సెట్ అయిన మూడు ప్రాజెక్టుల్ని ఏడాదిలో పూర్తి చేసేందుకు ప్రణాళిక రచించుకున్న పవన్.. తరువాతి కాలంలో పూర్తిచేయాల్సిన ప్రాజెక్టులనూ ఇప్పటినుంచే సెట్ చేస్తున్నట్టు కనిపిస్తోంది. ప్రస్తుతం చేస్తున్న ‘పింక్’ రీమేక్‌లో తన పాత్రను దాదాపుగా ఫినిష్ చేసేశాడు. తరువాత క్రిష్ డైరెక్షన్‌లో విరూపాక్ష (వినిపిస్తున్న టైటిల్)తో సెట్స్‌పైకి వెళ్లే అవకాశముంది. ఆపై దర్శకుడు హరీష్ శంకర్‌తో మరో ప్రాజెక్టూ సెట్టైపోయి ఉంది. ఇవికాక -నాలుగు, ఐదు ప్రాజెక్టులపైనా పవన్‌కల్యాణ్ తనదైన విజన్‌తోనే ఉన్నాడన్న టాక్ కొన్ని రోజులుగా వినిపిస్తోంది. వాటిలో -త్రివిక్రమ్‌తో ఒక ప్రాజెక్టు ఉండొచ్చన్న కథనాలు లేకపోలేదు. ప్రస్తుతం జూ.ఎన్టీఆర్‌తో త్రివిక్రమ్ చేయబోయే ప్రాజెక్టు అప్పటికి పూర్తిచేసేసి -తదుపరి పవన్ ప్రాజెక్టుకు త్రివిక్రమ్ రావొచ్చన్న మాట వినిపిస్తోంది. త్రివిక్రమ్ తరువాత పవన్ -పూరితో సినిమా చేయొచ్చన్నది తాజా టాక్. పవన్‌కు డిఫరెంట్ స్టయిల్ క్రియేట్ చేసిన సినిమా ‘బద్రి’. అది -పూరి క్రియేటివ్ థాట్. తరువాత ‘కెమెరామెన్ గంగతో రాంబాబు’లాంటి ప్లాప్‌నిచ్చినా.. బద్రి ఇమేజ్‌ను అదెంతమాత్రం డామేజ్ చేయలేదన్న భావన పవన్‌లో లేకపోలేదు. సినిమా ఫ్లాప్‌తో పవన్-పూరి కాంబోలో ఇకపై సినిమా వచ్చే అవకాశమే లేదన్న మాట వినిపించింది. అయితే పవన్‌తో సినిమా చేసేదిలేదంటూ నాపై వస్తోన్న కథనాల్లో వాస్తవం లేదంటూ పూరి క్లారిటీ ఇచ్చినా -పవన్‌తో మాత్రం ప్రాజెక్టు పడలేదు. తరువాత వరుస ఫ్లాపులతో సతమతమైన పూరి ఇప్పుడు నిలదొక్కుకోవడం, పవన్‌తో సినిమా చేస్తే కెరీర్ ఇమేజ్ పెరిగే అవకాశమున్న నేపథ్యంలో -ప్రాజెక్టు చేసే అవకాశమే వస్తే పూరి వదులుకోడన్నది నిజం. ఇప్పటి ట్రెండ్‌కు అనుగుణమైన ‘బద్రి’ని డిజైన్ చేయడానికీ కసితో పనిచేస్తాడు. ఇస్మార్ట్ శంకర్‌తో హిట్టందుకున్న పూరి -ప్రస్తుతం విజయ్ దేవరకొండను పైకిలేపే ప్రయత్నాల్లో ఉన్నాడు. పూరి చేస్తున్న ‘ఫైటర్’కు హిట్టుపడితే, పవన్ ఫోర్త్ ప్రాజెక్టుకే డైరెక్టర్‌గా పూరి పేరు వినిపించొచ్చు. ఏదేమైనా పవన్ స్పీడ్ చూస్తుంటే రెండేళ్ల గ్యాప్‌లో ఐదారు ప్రాజెక్టులు పూర్తి చేసేలాగే కనిపిస్తోంది.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..