వెంకి అతిథిగా ప్రేమమ్

నాగచైతన్య కథానాయకుడుగా చందు మొండేటి దర్శకత్వంలో సితార ఎంటర్‌ప్రైజెస్ పతాకంపై రూపొందిస్తున్న ప్రేమమ్ చిత్రంలో హీరో వెంకటేష్ ఓ అతిథి పాత్రలో నటించనున్నారు. మలయాళంలో విజయవంతమైన ప్రేమమ్ చిత్రాన్ని అదే పేరుతో తెలుగులో రీమేక్ చేస్తున్న సంగతి తెలిసిందే. ఈ చిత్రంలో నాగచైతన్యకు కథానాయికలుగా శృతిహాసన్, అనుపమ పరమేశ్వరన్, మడోనా శబాస్టియన్ నటిస్తున్నారు. ప్రేమ కథలలో ఓ వైవిధ్యాన్ని చూపించిన ప్రేమమ్ చిత్రం తెలుగులో కూడా అంతే స్థాయిలో రూపొందుతోందని దర్శక నిర్మాతలు తెలియజేశారు. ఈ చిత్రంలో వెంకటేష్ నటించనున్న పాత్ర ఎలా ఉంటుందోనని ఇప్పటికే ఆయన అభిమానులలో అంచనాలు పెరిగాయి.