కొత్తవారితో సరయు

సుహాన్ శిష్టా, ఉజ్వల్ కిరీట్ ప్రధాన తారాగణంగా భగీరధ్ పరశురామ్ ప్రొడక్షన్స్ పతాకంపై రామ కె.శ్రీనివాస్ దర్శకత్వంలో రూపొందుతున్న చిత్రం ‘సరయు’. షూటింగ్ పూర్తిచేసుకుని పోస్ట్ ప్రొడక్షన్ కార్యక్రమాలు కూడా పూర్తయి సెన్సార్‌కు సిద్ధమైంది. ఈ సందర్భంగా బుధవారం ఉదయం హైదరాబాద్‌లో దర్శక నిర్మాత తమ్మారెడ్డి భరద్వాజ ఫస్ట్‌లుక్‌ను విడుదల చేశారు. ఈ సందర్భంగా ఆయన మాట్లాడుతూ- లవ్, థ్రిల్, కథనాలతో రూపొందిస్తున్న ‘సరయు’ చిత్రం కొత్తవాళ్లతో రూపొందించడం కష్టమైనా చక్కగా తెరకెక్కించారని తెలిపారు. లవ్, థ్రిల్లర్ కథనాలతో రూపొందిన ఈ సినిమాను త్వరలో సెన్సార్‌కు పంపనున్నామని, ఉగాది తరువాత పాటలు విడుదల చేసి, సినిమా విడుదల తేదీని ప్రకటిస్తామని దర్శకుడు రమ కె.శ్రీనివాస్ తెలిపారు. నాలుగు పాటలతో రూపొందిన ఈ చిత్రం నేటి యువతకు నచ్చే కథనంతో రూపొందిందని, ప్రతి ఒక్కరికీ జీవితంలో ఎదురయ్యే సన్నివేశాలే ఈ సినిమాలో వుంటాయని, అన్ని వర్గాల ప్రేక్షకులకు నచ్చే అంశాలతో రూపొందిన ఈ సినిమాను త్వరలో ప్రేక్షకుల ముందుకు తీసుకురావడానికి సన్నాహాలు చేస్తున్నామని నిర్మాతలు భగీరథ పరశురామ నాయుడు, రమాదేవి కర్రి తెలిపారు. కార్యక్రమంలో షణ్ముఖ్ తదితరులు పాల్గొన్నారు. నాజి, నవ్య, హారిక తదితరులు నటించారు.