పదేళ్ల కెరీర్‌లో నటుడిగా ఇమేజ్ -నిఖిల్
S ,7 à 8 RSCA (si SASPAS) et 6 cialis pharmacie cialis rapports de stage.
కమర్షియల్ సినిమాలను అందరూ ఎంచుకుంటుంటే, తాను మాత్రం రొటీన్ సినిమాల్ని పక్కనబెట్టి, ఒకే ఇమేజ్ చట్రంలో ఇరుక్కోకుండా ఎప్పటికప్పుడు కొత్త కథలను ఎంచుకుంటూ ముందుకు సాగుతున్నాడు యువ హీరో నిఖిల్. రివెంజ్ డ్రామాతో నిఖిల్ నటిస్తున్న తాజా చిత్రం ‘కేశవ’. సుధీర్ వర్మ దర్శకత్వంలో రూపొందుతున్న ఈ సినిమా 19న విడుదలవుతున్న సందర్భంగా హీరో నిఖిల్‌తో ఇంటర్వ్యూ...
* టెన్షన్‌గా ఫీలవుతున్నారా?
- బాహుబలి లాంటి సినిమా ఇంకా స్ట్రాంగ్‌గా నడుస్తున్న సమయంలో నా సినిమా రిలీజవుతుండటం కాస్త టెన్షన్‌గా ఉంది. పైగా మొదటిసారి చాలా భిన్నంగా ట్రై చేశాను. ఆడియన్స్ ఎలా రిసీవ్ చేసుకుంటారో చూడాలని ఉంది. లోపల సినిమాపై నమ్మకం ఉన్నా కూడా కాస్త టెన్షన్‌గా ఉంది.
* మీ కెరీర్‌లో కేశవ భారీ సినిమా అనుకోవచ్చా?
- అవును. ఈ సినిమా పరంగా నాకు భారీ సినిమా. పైగా ఇదే నాకు అతి పెద్ద రిలీజ్. 650 థియేటర్లలో సినిమా విడుదలవుతోంది. ఆస్ట్రేలియా లాంటి చోట్ల నా సినిమా విడుదలవడం ఇదే మొదటిసారి. చాలా ఎగ్జైటింగ్‌గా ఉంది.
* ఇంతకీ ‘కేశవ’ ఎవరు?
- ఇది కేశవాచారి అనే యువకుని కథ. ఇతనికి కాస్త హార్ట్ సమస్య ఉంటుంది. ఎక్కువగా టెన్షన్ పడ్డా, ఎక్కువగా ఆనందపడ్డా బ్రతికే అవకాశం చాలా తక్కువ. అలాంటి వ్యక్తి జీవితంలో జరిగిన సంఘటనలతో వాళ్ళపై ఎలా రివెంజ్ తీర్చుకున్నాడు. ఇదో రివెంజ్ డ్రామా సినిమా. మొదటిసారి పూర్తి స్థాయి సీరియస్ సబ్జెక్ట్ చేసే ఛాన్స్ దక్కింది. అంతేగాక నాలోని నటనను బయటపెట్టడానికి ఈ స్క్రిప్ట్‌లో చాలా అవకాశముంది. నా పాత్ర ద్వారా జనరేట్ అయిన ఎమోషన్స్ ఆశ్చర్యం కలిగిస్తాయి.
* మళ్లీ సుధీర్‌వర్మతో చేయడం ఎలా ఉంది?
- సుధీర్ మంచి కథ చెప్పాడు. పైగా నటనకు ఆస్కారమున్న సబ్జెక్టు కావడంతో ధైర్యంగా ముందుకు వెళ్ళాం. ఒకసారి షూటింగ్‌కు వెళ్ళాక డైరెక్టర్‌కి సలహాలివ్వడం లాంటివేమీ చెయ్యను. అంతా వాళ్ళకే వదిలేస్తాను. బాహుబలి హవాలో కూడా మా సినిమా మంచి హైప్ తెచ్చుకుంది. అది మంచి ఓపెనింగ్స్ రావడానికి ఉపయోగపడుతుంది. మొదటి మూడు వారాల్లో మంచి కలెక్షన్లు వస్తే నిర్మాతలు సేఫ్‌జోన్‌లోకి వెళతారు.
* నటుడిగా పదేళ్ళయింది.. ఎలా ఉంది?
- ఇనే్నళ్లు ఇండస్ట్రీలో ఉండగలిగినందుకు చాలా లక్కీగా ఫీలవుతున్నాను. ఇక్కడ చాలా కాంపిటీషన్ ఉంటుంది. ఆటలో ఉండాలంటే ఒకేసారి చాలా పనులు చేయాల్సి ఉంటుంది. నా వరకు అన్నీ సక్రమంగానే జరిగాయి. ఇకపై కూడా ఇలాగే జరగాలని కోరుకుంటున్నాను.
* హీరోకి ఏదో సమస్య ఉన్న కథలను
ఎంచుకుంటున్నారు, ఎందుకు?
- అలా అని కాదు. భిన్నమైన కథలను ఎంచుకుంటున్నా. లక్కీగా నాకు అన్నీ భిన్నమైన సినిమాలే వస్తున్నాయి. తెలుగు పరిశ్రమలో కూడా మార్పొచ్చింది. ఇకపై కూడా దర్శకులు నా వద్దకు డిఫరెంట్ కథలతోనే వస్తారని అనుకుంటున్నాను. నేను తర్వాత చేయబోయే సినిమాలు కూడా వేటికవి పూర్తి భిన్నంగా ఉంటాయి.
* నెక్స్ట్ ప్రాజెక్ట్స్?
రాజు సుందరం డైరెక్షన్‌లో కాలేజ్ బ్యాక్ డ్రాప్‌లో ఉండే సినిమా చేస్తున్నాను. దాని తర్వాత చందు మొండేటి డైరెక్షన్‌లో ‘కార్తికేయ’కు సీక్వెల్ చేస్తున్నాను. ఆ తర్వాత ఒక యాక్షన్ సినిమా కూడా ఉంది.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..