సుమంత్ హీరోగా..

సుమంత్ హీరోగా అనీల్ శ్రీకంఠం దర్శకత్వంలో విరాట్ ఫిలిం మేకర్స్ అండ్ విఘ్నేష్ కార్తీక్ సంయుక్త నిర్మాణంలో ఆలూరు సాంబశివారెడ్డి, గంగపట్నం శ్రీ్ధర్ నిర్మిస్తున్న చిత్రం శుక్రవారం పూజా కార్యక్రమాలతో హైదరాబాద్‌లో ప్రారంభమైంది. అంజు కురియన్ హీరోయిన్. ఈ చిత్ర విశేషాలను నిర్మాతలు తెలియజేస్తూ సుమంత్ కెరీర్‌లో వైవిధ్యంగా నిలిచిపోయే చిత్రమిది. క్రైమ్ థ్రిల్లర్ నేపథ్యంలో తెరకెక్కే ఈ చిత్రంలో ఆయన పాత్ర హైలెట్‌గా వుంటుంది. ప్రతి సన్నివేశం ఆకట్టుకునేలా సాగుతుంది. నవంబర్ మొదటివారంలో చిత్రీకరణ ప్రారంభించి హైదరాబాద్, అరకు, వైజాగ్, కేరళలో షూటింగ్ జరుపుతాం. త్వరలోనే మరిన్ని వివరాలు తెలియజేస్తామన్నారు. మురళీశర్మ, సత్యం రాజేష్ తదితరులు నటిస్తున్న ఈ చిత్రానికి కెమెరా:బాల్‌రెడ్డి, మాటలు:చంద్రశేఖర్, సంగీతం:శ్రీచరణ్, నిర్మాతలు:ఆలూరు సాంబశివారెడ్డి, గంగపట్నం శ్రీ్ధర్, రచన, దర్శకత్వం:అనీల్ శ్రీకంఠం.