కళాతపస్వి ప్రశంసలు

శంకరాభరణం, సాగరసంగమం వంటి అద్భుత సంగీత భరిత చిత్రాలను అందించిన కళాతపస్వి కె విశ్వనాథ్ రాజీవ్‌మీనన్ రూపొందించిన ‘సర్వం తాళమయం’ చిత్రాన్ని చూసి, ‘చాలాకాలం తర్వాత ఒక గొప్ప సంగీత భరిత చిత్రాన్ని చూశాను. రాజీవ్‌మీనన్ ఈ చిత్రాన్ని చాలాబాగా తీశారు. ఆద్యంతం హృదయాన్ని హత్తుకునే భావోద్వేగాలతో ఈ చిత్రాన్ని రూపొందించి, ఒక మంచి సందేశాన్నికూడా అందించిన రాజీవ్‌మీనన్‌కి నా ఆశీర్వాదాలు’ అని అభినందించి ఆప్యాయంగా కొగిలించుకున్నారు. అలాగే ప్రముఖ దర్శకులు చంద్రశేఖర్ యేలేటి, మహానటి దర్శకులు నాగఅశ్విన్, యాత్ర దర్శకులు మహి వీ రాఘవ్ ఈ చిత్రాన్ని చూసి రాజీవ్‌మీనన్‌ని ఎంతగానో ప్రశంసించారు. ఏ ఆర్ రహమాన్ సంగీతం ఈ చిత్రానికి ప్రాణం.
మార్చి 8న రెండు తెలుగు రాష్ట్రాల్లోనూ ఈ చిత్రం అన్ని మల్టీఫ్లెక్స్ థియేటర్లలోనూ విడుదల చేస్తున్నట్టు దర్శక నిర్మాత రాజీవ్ మీనన్ చెప్పారు. జి.వి.ప్రకాష్, అపర్ణ బాలమురళి హీరోహీరోయిన్లుగా నటించిన ఈ చిత్రంలో నేడుముడి వేణు, వినీత్, దివ్య దర్శిని ఇతర ముఖ్యపాత్రల్లో నటించారు.