రాష్ట్రీయం
రోడ్డుకెక్కిన కాంగ్రెస్
S ,7 à 8 RSCA (si SASPAS) et 6 cialis pharmacie cialis rapports de stage.
పార్టీ ఆవిర్భావ దినోత్సవంలో ఘర్షణ
దానం, మల్లేష్ అనుచరుల కొట్లాట
హైదరాబాద్, డిసెంబర్ 28: రంగారెడ్డి, హైదరాబాద్ జిల్లాల కాంగ్రెస్ నేతల గ్రూపు తగాదాలు, ఆధిపత్య పోరు వీధినపడ్డాయి. సోమవారం ఉప్పల్ బస్టాండ్ వద్ద జరిగిన పార్టీ జెండావిష్కరణ విషయంలో ఇరువర్గాల మధ్య ఘర్షణ చోటుచేసుకుంది. మాజీ మంత్రి, జిహెచ్‌ఎంసి అధ్యక్షులు దానం నాగేందర్, రంగారెడ్డి డిసిసి అధ్యక్షులు సి మల్లేష్ వర్గాల మధ్య జరిగిన ఘర్షణతో సీనియర్ కాంగ్రెస్ నేతలు తలలు పట్టుకున్నారు. ఒకవైపు తెరాస హైదరాబాద్‌లో చాపకింద నీరులా విస్తరించి బలాన్ని పెంచుకుంటున్న నేపథ్యంలో, దానం, మల్లేష్ మధ్య తగాదా ఢిల్లీదాకా వెళ్లింది. వివరాల్లోకి వెళ్తే, సోమవారం కాంగ్రెస్ ఆవిర్భావ దినోత్సవం సందర్భంగా ఉప్పల్ బస్టాండ్‌వద్ద తాము ఎగరవేసిన జెండావద్దనే మరోసారి ఎలా ఎగరవేస్తారని ఆగ్రహం వ్యక్తం చేస్తూ రంగారెడ్డి జిల్లా అధ్యక్షుడు క్యామ మల్లేష్, గ్రేటర్ హైదరాబాద్ అధ్యక్షుడు దానం నాగేందర్ మధ్య తీవ్ర స్థాయిలో మాటల యుద్ధం జరిగింది. జిల్లాతో సంబంధం లేని నీవు ఇక్కడికి ఎందుకొచ్చావంటూ ఉప్పల్ నియోజకవర్గం ఇన్‌చార్జి బండారు లక్ష్మారెడ్డి, ఎల్‌బినగర్ మాజీ ఎమ్మెల్యే దేవిరెడ్డి సుధీర్‌రెడ్డి జోక్యం చేసుకుంటూ హైదరాబాద్‌లో ఉండాల్సిన నీవు రంగారెడ్డి జిల్లా ఉప్పల్‌కు ఎందుకు వచ్చావని, రావడానికి నీకు ఏమి అధికారం ఉందని నాగేందర్‌ను నిలదీశారు. తక్షణమే ఇక్కడి నుండి వెళ్లిపోమని హెచ్చరించారు. ఇదే సమయంలో ఇరువర్గాల నేతల అనుచరులు రెచ్చిపోయి కర్రలతో పరస్పర దాడులు చేసుకున్నారు. ఘటనలో నాగేందర్ అనుచరులకు తలకు బలమైన గాయాలయ్యాయి. కాంగ్రెస్ 131వ ఆవిర్భావ దినోత్సవం సందర్భంగా పార్టీ జెండాలను ఎగరవేయాలని రాష్ట్ర చీఫ్ ఉత్తమ కుమార్‌రెడ్డి ఇచ్చిన పిలుపు మేరకు సోమవారం ఉప్పల్ నియోజకవర్గంలో పార్టీ జెండాల ఆవిష్కరణకు ఇన్‌చార్జి బండారు లక్ష్మారెడ్డి అనుచరులు ఏర్పాట్లు చేశారు. ఉప్పల్ బస్టాండ్ వద్ద ఏర్పాటు చేసిన కాంగ్రెస్ జెండా ఆవిష్కరణలో జిల్లా అధ్యక్షుడు క్యామ మల్లేష్, మాజీ ఎమ్మెల్యే దేవిరెడ్డి సుధీర్‌రెడ్డి, ఇన్‌చార్జి బండారు లక్ష్మారెడ్డి అనుచరులతో పాల్గొని వెళ్లిపోయారు. కొద్ది సేపట్లోనే మరో వర్గం హైదరాబాద్ కమిటీ అధ్యక్షుడు దానం నాగేందర్ అనుచరులతో ర్యాలీగా తరలి వచ్చారు. బాణ సంచా పేలుస్తూ ఉప్పల్ రింగ్‌రోడ్డు నుండి ట్రాఫిక్ జాం చేసుకుంటూ వచ్చిన దానం అనుచరులు ఇక్కడ ముందుగా ఎగరవేసిన జెండాను మరోసారి ఎగరవేశారు. ఈ తోపులాటలో పార్కింగ్ చేసిన ద్విచక్ర వాహనాలు కిందపడిపోయాయి. పోలీసులు రంగ ప్రవేశం చేసి శాంతి భద్రతలు అదుపు తప్పకుండా నియంత్రించారు.
** దానం, మల్లేష్ వర్గాల మధ్య ఘర్షణ దృశ్యం **
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.