క్రీడాకారులకు సౌకర్యాలు కల్పించండి : కలెక్టర్

తిరుపతి, సెప్టెంబర్ 19: రెజ్లింగ్, చెస్ క్రీడల్లో జాతీయ స్థాయిలో పోటీలకు ఎంపికైన జిల్లాకు చెందిన బాల బాలికలను జిల్లా కలెక్టర్ సిద్దార్థజైన్ అభినందించారు. సోమవారం స్థానిక పద్మావతి అతిథి భవనంలో ఏర్పాటుచేసిన అభినందన కార్యక్రమంలో కలెక్టర్ మాట్లాడుతూ క్రీడాకారులను ప్రోత్సహిస్తామని, వారికి అవసరమైన సౌకర్యాలు కల్పించాలని డిఇఓ, ఫిజికల్ డైరెక్టర్లను ఆదేశించారు. ఈ కార్యక్రమంలో డిఇఓ నాగేశ్వరరావు, పి.డి చంద్రశేఖర్ పాల్గొన్నారు.