రాష్ట్రీయం
దానం తెరాస‘గానం’!
S ,7 à 8 RSCA (si SASPAS) et 6 cialis pharmacie cialis rapports de stage.
రెండు రోజులుగా హైడ్రామా ఇంటికెళ్లి చర్చించిన షబ్బీర్ అలీ
పార్టీ మారబోనని ఫోన్‌లో దిగ్విజయ్ సింగ్‌కు స్పష్టీకరణ
అయినా తొలగని సందిగ్ధత 7న టిఆర్‌ఎస్‌లో చేరవచ్చని ప్రచారం
హైదరాబాద్, డిసెంబర్ 4: గ్రేటర్ హైదరాబాద్ కాంగ్రెస్ కమిటీ (జిహెచ్‌సిసి) అధ్యక్షుడు, మాజీ మంత్రి దానం నాగేందర్ పార్టీ ఫిరాయింపు హైడ్రామా ఇంకా కొనసాగుతూనే ఉన్నది. దానం తెలంగాణ రాష్ట్ర సమితిలో చేరనున్నట్లు చాలా కాలంగా ఊహాగానాలు వీస్తున్నప్పటికీ, రెండు రోజులుగా ఆయన ఒకసారి పార్టీ మారడం లేదని ప్రకటించడం, మరోసారి పార్టీ మారాలా? వద్దా? అని తన సన్నిహితులతో చర్చించడం అనుమానాలకు తావు ఇస్తున్నది. ఈ నేపథ్యంలో తెలంగాణ కాంగ్రెస్ సీనియర్ నాయకుడు, శాసనమండలి (కౌన్సిల్)లో ప్రతిపక్ష నేత మహ్మద్ షబ్బీర్ అలీ శుక్రవారం దానం నాగేందర్ నివాసానికి వెళ్ళి కొంత సేపు మంతనాలు జరిపారు. పార్టీ మారవద్దని, చేరిన తర్వాత అక్కడ గుర్తింపు ఉండదని, అప్పుడు పశ్చాత్తాపపడినా ఉపయోగం ఉండదని షబ్బీర్ అలీ ఆయనకు నచ్చజెప్పారు. కాంగ్రెస్, టిడిపిల నుంచి టిఆర్‌ఎస్‌లో చేరిన అనేక మంది తమ వ్యధను వ్యక్తం చేస్తున్నారని ఆయన నాగేందర్‌కు నచ్చజెప్పే ప్రయత్నం చేశారని తెలిసింది.
ఇలాఉండగా షబ్బీర్ అలీ దిగ్విజయ్‌కు ఫోన్ చేసి దానంతో మాట్లాడించినట్లు సమాచారం. తాను పార్టీ మారాలన్న ఆలోచన చేయడం లేదని నాగేందర్ దిగ్విజయ్ సింగ్‌కు వివరించారు. దానం తన ముఖ్య అనుచరులతో, గ్రేటర్ హైదరాబాద్‌కు చెందిన పార్టీ మాజీ కార్పొరేటర్లతో సమావేశమై భవిష్యత్తు కార్యాచరణ గురించి చర్చించారు. పార్టీని వీడే ఆలోచన లేనప్పుడు పార్టీ మారాలా? వద్దా? అనే అంశంపై పార్టీ నగర నాయకులతో ఎందుకు చర్చిస్తున్నారని దిగ్విజయ్ ప్రశ్నించగా, రాబోయే జిహెచ్‌ఎంసి ఎన్నికల్లో పార్టీ శ్రేణులను మరింత ఉత్సాహంగా నడిపించేందుకు చర్చిస్తున్నట్లు ఆయన తెలిపారు.
షబ్బీర్ అలీ దానం నాగేందర్ నివాసానికి వెళ్ళిన విషయం తెలియగానే విలేఖరులు అక్కడికి చేరుకున్నారు. ఈ సందర్భంగా దానం తనను కలిసిన విలేఖరులతో మాట్లాడుతూ పార్టీ మారనని తాను ఇదివరకే చెప్పానని అన్నారు.
గందరగోళంలో కాంగ్రెస్ శ్రేణులు
దానం పార్టీ మారుతారా? లేదా? అనే అంశం కాంగ్రెస్ నాయకుల్లో ఎవరికీ అంతుచిక్కక గందరగోళం నెలకొన్నది. పార్టీ మారనని దానం స్పష్టంగా చెబుతున్నా, ముఖ్య అనుచరులతో, సన్నిహితులతో పార్టీ మారితే ఎలా ఉంటుందని చర్చించడంలో మతలబు ఏమిటని పార్టీ నాయకులు అంటున్నారు. అయితే ఈ నెల 7న (సోమవారం) దానం టిఆర్‌ఎస్‌లో చేరనున్నట్లు ప్రచారం జరుగుతున్నది.
గ్రేటర్ ఎన్నికల ముందు..
గ్రేటర్ హైదరాబాద్ మున్సిపల్ కార్పొరేషన్ ఎన్నికలకు ముందు దానం టిఆర్‌ఎస్‌లో చేరితే కాంగ్రెస్‌కు పెద్ద నష్టమే జరుగుతుంది. గ్రేటర్ హైదరాబాద్ పరిధిలో దానం బలమైన నాయకునిగా గుర్తింపు తెచ్చుకున్నారు. ఆయన స్థానాన్ని భర్తీ చేయాలంటే ఇప్పట్లో సాధ్యమయ్యే పని కాదు. పైగా పార్టీ ప్రతిపక్షంలో ఉన్నది. ఆయన పార్టీ మారితే పార్టీ నగర నాయకులు, కార్యకర్తలు నీరసపడతారు. (చిత్రం) శుక్రవారం హైదరాబాద్‌లో పార్టీ నేత దానం నాగేందర్ నివాసానికి వచ్చి ఆయనతో చర్చిస్తున్న కాంగ్రెస్ ఎమ్మెల్సీ షబ్బీర్ అలీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.