ఫోకస్
ప్రజాస్వామ్యంలో ఇదో మైలురాయి
S ,7 à 8 RSCA (si SASPAS) et 6 cialis pharmacie cialis rapports de stage.
సాధారణ ఎన్నికలైనా, స్థానిక సంస్థల ఎన్నికలైనా ఇవిఎం విధానంలో ఓటర్లు ఓటు వేసిన తర్వాత వారు ఓటు వేసినట్టు రసీదు ఇవ్వడం ప్రజాస్వామ్య విధానంలో భాగమే! రాజకీయ పార్టీలు, సాధారణ ప్రజలు ఈ అంశంలో చాలాకాలం నుండి రసీదు ఇవ్వాలని డిమాండ్ చేస్తూనే ఉన్నారు. ఒక ఓటరు బ్యాలెట్ పేపర్ విధానంలో ఓటు వేస్తే, స్వయంగా తన ఓటును బ్యాలెట్ బాక్స్‌లో వేస్తారు. దాంతో ఓటు వేశానన్న సంతృప్తి లభిస్తుంది. మరి ఇవిఎం విధానంలో ఓటు వేస్తే ‘బీప్’ అంటూ శబ్ధం వస్తుందే తప్ప, తాము వేసిన ఓటు తాము ఎంపిక చేసుకున్న అభ్యర్థి లెక్కలోకి పడుతుందో లేదో, అసలు తన ఓటు పడ్డదా అన్న అనుమానం కలుగుతోంది. అందువల్ల ఇవిఎం విధానంలో ఓటు వేసిన తర్వాత ఓటు పడ్డట్టు రసీదు లభిస్తే వారికి సంతృప్తి కలుగుతుంది. ఇందుకోసం ఇప్పటికే వినియోగిస్తున్న ఇవిఎంలలో స్వల్పమార్పులు చేర్పులు చేయడమో, లేక కొత్తగా ఇవిఎంలను రూపొందించడమో చేయాలి. రసీదులు ఇవ్వడం ‘పైలట్ ప్రాజెక్ట్’ ప్రాతిపదికపై ప్రారంభమైంది. ప్రజాస్వామ్యంలో ఇదో మైలురాయిగా దీన్ని భావించవచ్చు. సమాజంలో అక్షరాస్యత పెరగాలి. గ్రామీణ ప్రాంతాల్లో పోలింగ్ శాతం ఎక్కువగా ఉంటోంది. చదువుకున్న వారితోపాటు, చదువులేని వారు కూడా తమ ఓటును పూర్తిగా వినియోగిస్తున్నారు. పట్టణ ప్రాంతాల్లో పోలింగ్ శాతం తక్కువగా నమోదవుతోంది. ఓటు వేసేందుకు ఏర్పాటయ్యే క్యూలైన్లలో నిలబడాలా అన్న ఆలోచన చాలామందిలో కలుగుతోంది. గంటల తరబడి ఎండలో నిలబడాల్సి ఉంటుంది. అందువల్ల చాలా మంది పోలింగ్ కేంద్రాలకు వెళ్లడం లేదు. మరికొంత మంది ‘డ్యూటీ’ కారణంగా పోలింగ్ కేంద్రాలకు వెళ్లి ఓటు వేయలేకపోతున్నారు. సాంకేతిక పరిజ్ఞానం పెరిగిపోతున్నందువల్ల ఓటర్లు ఆన్‌లైన్‌లో (ఇ-ఓటింగ్ విధానం) ఓటువేసే సదుపాయాన్ని కల్పించాల్సిన అవసరం ఉంది. మారుతున్న కాలమాన పరిస్థితిలో ఎన్నికల ప్రక్రియలో కూడా మార్పులు జరగాల్సిందే! ప్రజాస్వామ్య వ్యవస్థలో ప్రజాప్రతినిధులుగా ఎన్నిక కావడం, చట్టసభలు చట్టాలు చేయడం భాగంగా ఉంటూ వస్తోంది. వ్యవస్థ బాగానే ఉంది. కాని డెమోక్రసీ ‘స్పిరిట్’కు మాత్రం విలువ లేకుండా పోయింది. చట్టసభలో విపక్షాల అభిప్రాయానికి అధికార పక్షం గౌరవం ఇవ్వాలి. విపక్షాల అభిప్రాయంపై చర్చ జరపాలి. ప్రజలకు మంచి జరిగేట్టయితే ఈ అభిప్రాయాన్ని పరిగణనలోకి తీసుకుని అమలుచేయాలి. అంతేకాని విపక్షాల గొంతు నొక్కకూడదు. ఇదే ప్రజాస్వామ్య స్పిరిట్.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.