ఫోకస్
పెద్దల సభ గౌరవాన్ని దిగజార్చారు
S ,7 à 8 RSCA (si SASPAS) et 6 cialis pharmacie cialis rapports de stage.
స్థానిక సంస్థల నుంచి శాసన మండలికి జరుగుతున్న ఎన్నికల్లో తెలంగాణ రాష్ట్రంలోని అధికార పార్టీ పెద్దల సభకు ఉన్న గౌరవాన్ని దిగజార్చే విధంగా వ్యవహరిస్తోంది. తెలంగాణ రాష్ట్రంలో 12 శాసన మండలి సభ్యులకు ఎన్నికలు నిర్వహిస్తుంగా, అందులో ఆరు ఎమ్మెల్సీ స్థానాలు ఏకగ్రీవం కావడం వంటి ఘటనలు మునుపెన్నడూ జరుగలేదనే చెప్పాలి. ఎమ్మెల్సీ స్థానాలకు పోటీ చేస్తున్న ఇతర పార్టీల అభ్యర్థులను అధికార పార్టీ కొనుగోలు చేసిందని, డబ్బు, పదవుల ప్రలోభాలకు లొంగిపోవడం వల్లే ఆరు స్థానాలు ఏకగ్రీవం కావడానికి కారణమని పెద్దఎత్తున ఆరోపణలు వచ్చిన విషయం తెలిసిందే. ఇవి కేవలం ఆరోపణలు మాత్రమే కావు, పచ్చి నిజాలని విపక్ష పార్టీలన్నీ విమర్శలు గుప్పిస్తున్నాయ. ఇంత జరిగినా అధికార పార్టీ జరిపిన బేరసారాలను ఆ పార్టీ నేతలు నిస్సిగ్గుగా సమర్థించుకోవడం మరీ దారుణం. గతంలో కాంగ్రెస్ ముఖ్యమంత్రి వైస్ రాజశేఖర్‌రెడ్డి హయాంలో ఎమ్మెల్సీ ఎన్నికల్లో తమ పార్టీ ఎమ్మెల్యేలను కాంగ్రెస్ పార్టీ కొనుగోలు చేయలేదా అని టిఆర్‌ఎస్ నేతలు ఎదురుదాడి చేయడం మరీ విడ్డూరంగా ఉంది. ఎవరో తప్పు చేశారని, అదే తప్పును మనం చేస్తూ ఎలాగ? కాంగ్రెస్ ప్రభుత్వ హయాంలో ఇలాంటి వ్యవహారాలు చేశారనే ప్రజలు ఆ పార్టీని గద్దెదింపారనే విషయాన్ని టిఆర్‌ఎస్ నేతలు గుర్తు చేసుకోవాలి. ఎన్నికలను కూడా అపహాస్యం చేయడం ప్రజాస్వామ్య మనుగడకే ముప్పుగా పరిగణించాలి. ఎమ్మెల్సీ ఎన్నికల్లో బాహాటంగా జరిగిన బేరసారాలపై ఎన్నికల కమిషన్ విచారణ జరిపి, బాధ్యులైన వారిపై, ప్రలోభాలకు గురిచేసిన పార్టీపై చర్యలు తీసుకోవాలి. ఎన్నికల కోడ్ ఉల్లంఘనపై రాష్ట్ర ప్రభుత్వానికి ఎన్నికల కమిషన్ నోటీసులు ఇచ్చిన సంగతి తెలిసిందే. ఎమ్మెల్సీ ఎన్నికల ప్రక్రియను అపహాస్యం చేసేలా వ్యవహరించిన పాలకపార్టీపై ఎన్నికల కమిషన్ చర్య తీసుకోవాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.