ఫోకస్
చట్టంలో సమూల మార్పులు
S ,7 à 8 RSCA (si SASPAS) et 6 cialis pharmacie cialis rapports de stage.
సినిమాటోగ్రఫీ చట్టంలో సమూల మార్పులు చేయాలి. ప్రాంతీయ భాషల్లో నిర్మించే చిన్న సినిమాలకు అవాంతరాలు వస్తున్నాయి తప్ప, భారీ పెట్టుబడితో నిర్మించే సినిమాలకు ఎలాంటి ఆటంకాలు కలగడం లేదు. అరవై ఏళ్ల క్రితం రూపొందించిన చట్టంలో ఉన్న లొసుగులను దర్శక, నిర్మాతలు తమకు అనుకూలంగా మార్చుకుంటున్నారు. ఇందులో సందేహం లేదు. కేంద్ర ప్రభుత్వం ఈ కోణంలో అధ్యయనం చేసి చట్టాన్ని మార్చనంత వరకు సినీ రంగంలో అక్రమాలకు కొనసాగుతూనే ఉంటాయి. సెన్సార్ బోర్డ్ నేతృత్వంలో జరిగే సినిమాల సెన్సార్ తర్వాత కూడా అవే దృశ్యాలతో సినిమాలను ప్రదర్శిస్తున్నా, నియంత్రించే యంత్రాంగం లేదు. దీనిపై చర్యలు తీసుకునేందుకు పోలీసులకు అధికారం ఉంటుంది. అయితే పోలీసులకు ఫిర్యాదు అందితే తప్పవారు కల్పించుకోరు. సంబంధిత అధికారులు పోలీసులకు ఫిర్యాదు చేయాలి. అప్పుడు పోలీసులు ఆ థియేటర్‌లో ఆపరేటర్‌ను అరెస్ట్ చేసి కేసు పెడతారు. ఫిర్యాదు చేసిన వారు కోర్టుల చుట్టూ తిరగాల్సి వస్తోంది. వాస్తవంగా తప్పు జరిగితే సినిమా దర్శకుడు, నిర్మాతలపై కేసు నమోదు చేయాలి. కాని ప్రస్తుతం అమల్లో ఉన్న సినిమాటోగ్రఫీ చట్టం-1952 ప్రకారం వారిపై కేసులు నమోదు చేసేందుకు వీలులేదు. అంటే సెన్సార్‌బోర్డు ఏవైతే సీన్లను తొలగించాలని ఆదేశించిందో వాటిని ప్రదర్శించినా దర్శక నిర్మాతలపై కేసు నమోదు చేసేందుకు వీలులేదన్నమాట. అంటే ఇక్కడ తప్పు చట్టంలోనే ఉంది తప్ప ఇతరత్రా లేదు. రాజకీయాలకు చోటులేని విధంగా నిపుణులతోనే బోర్డును ఏరాటు చేయాలి. ఇందుకు అనుగుణంగా చట్టంలో మార్పులు చేయాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.