ఫోకస్
జనాభాకు అనుగుణంగా..
S ,7 à 8 RSCA (si SASPAS) et 6 cialis pharmacie cialis rapports de stage.
పెరిగిన జనాభాకు అనుగణంగా లోక్‌సభ స్థానాల సంఖ్యను కూడా పెంచాలి. ప్రతి లోక్‌సభ స్థానం పరిధిలో సుమారు 15 లక్షల వరకూ జనాభా ఉండేవారు. ప్రస్తుతం ఈ సంఖ్య పెరిగి, కొన్నిచోట్ల 17-18 లక్షల వరకూ చేరింది. రాష్ట్రంలో ఒక్కో లోక్‌సభ స్థానం పరిధిలో 7 అసెంబ్లీ స్థానాలున్నాయి. అయితే జనాభా పెరిగిన నేపథ్యంలో లోక్‌సభ స్థానాల సంఖ్యను కూడా పెంచే ఆలోచన తప్పక చేయాలి. దీనివల్ల రోజురోజుకీ అనూహ్యంగా పెరిగిపోతున్న జనాభా అందరికి న్యాయం చేసే పరిస్థితి ఏర్పడుతుంది. నియోజకవర్గ పరిధి విస్తృతంగా ఉన్నందువల్ల అన్ని ప్రాంతాల్లో కలియతిరగడం, ప్రజల సమస్యలను పూర్తిస్థాయిలో పార్లమెంటులో వినిపించడం కష్టతరంగా ఉంది. ఈ నేపథ్యంలో లోక్‌సభ స్థానాలను పెంచడం ద్వారా మరింత ఎక్కువగా ప్రజలతో మమేకమై వారి అవసరాలు తెలుసుకుంటూ వారి గొంతును పార్లమెంటులో ఎంపీలు వినిపించే అవకాశాలు ఎక్కువగా ఉంటాయి. ప్రస్తుతం లోక్‌సభలో 543 మంది ఎంపీలు ఉన్నారు. వీరంతా కూర్చునేందుకు సభలో ఇరుకుగా ఉంటోంది. స్థానాల సంఖ్యను పెంచడంతో పాటు కొత్త పార్లమెంటు భవన నిర్మాణం గురించి కూడా విస్తృత చర్చ జరగాల్సి ఉంది. ఇప్పటికే అటువంటి ప్రతిపాదన ఉంది. దీన్ని త్వరితగతిన అమలులోకి తీసుకువస్తే ఎంతో మంచిది. రాజ్యాంగాన్ని అనుసరించి 2026 వరకు లోక్‌సభ స్థానాల పునర్విభజన జరిగే వీలులేదు. అయితే ఈలోగా కొత్త పార్లమెంటు భవనాన్ని నిర్మించి నియోజకవర్గాలు పునర్విభజన పూర్తయ్యే సమయానికి సిద్ధం చేయాలి. దేశానికి ఒక మకుటంలా ఉండే పార్లమెంటు భవనాన్ని వీడడం అందరికీ బాధాకరమైనా దానిని భావితరాలకు ఉపయుక్తంగా ఏదైనా ప్రత్యేక భవనంగా రూపకల్పన చేసుకోవచ్చు.
- మేకపాటి రాజమోహన్‌రెడ్డి నెల్లూరు పార్లమెంటు సభ్యుడు
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.