రాష్ట్రీయం
సెలవుగా.. సకల సమ్మె
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ సర్కార్ జీవో జారీ
హైదరాబాద్, జనవరి 2: తెలంగాణ రాష్ట్ర సాధన కోసం అన్ని ఉద్యోగ సంఘాలు కలిసి చేపట్టిన సకల జనుల సమ్మెను స్పెషల్ క్యాజువల్ లీవ్‌గా పరిగణిస్తూ తెలంగాణ ప్రభుత్వం శనివారం ఉత్తర్వులు జారీ చేసింది. ఉమ్మడి ఆంధ్రప్రదేశ్ రాష్ట్రంలో తెలంగాణ ప్రాంతంలోని గెజిటెడ్, నాన్‌గెజిటెడ్ ఉద్యోగులు 2011 సెప్టెంబర్ 13న సకల జనుల సమ్మెను చేపట్టిన సంగతి తెలిసిందే. తెలంగాణ ఉద్యోగుల జాయింట్ యాక్షన్ కమిటీ ఆధ్వర్యంలో 42 రోజుల పాటు సమ్మెలో పాల్గొన్న అనంతరం అక్టోబర్ 25న సమ్మెను విరమించి విధుల్లో చేరారు. ఈ సమ్మె కాలాన్ని ఆన్ డ్యూటీగా పరిగణించాలని ఉద్యోగ సంఘాల జెఎసి చైర్మన్, ఇతర ఉద్యోగ సంఘాల ప్రతినిధులు అప్పట్లో ఉన్న ఉమ్మడి ఆంధ్రప్రదేశ్ ప్రభుత్వాన్ని కోరిన సంగతి తెలిసిందే.
అనంతరం ఏర్పడిన తెలంగాణ ప్రభుత్వం ఈ అంశాన్ని పరిశీలించి ఉత్తర్వులు జారీ చేసింది. ఈ ఉత్తర్వులు జిల్లా, జోనల్, మల్టీ జోనల్ క్యాడర్, స్థానిక ఉద్యోగులందరికి వర్తిస్తుందని తెలిపింది. ఉద్యోగులకు సెలవులు మంజూరు చేసే అధికారి తప్పకుండా ఈ ప్రత్యేక క్యాజువల్ లీవ్‌ను సర్వీస్ రిజిష్టర్‌లో నమోదు చేయాలని ప్రభుత్వం సూచించింది. సకల జనుల సమ్మెలో పాల్గొన్న ఉద్యోగుల్లో ఎవరైనా ఉద్యోగ విరమణ చేసినా, లేక చనిపోయినా ఆ ఉద్యోగికి రావాల్సిన ఏరియర్స్ గానీ ఇతర ప్రయోజనాలు గానీ ఉంటే ఆ మొత్తాన్ని సంబంధిత చట్టబద్ద హక్కుదారులు ఎవరుంటే వారికి చెల్లించాలని కూడా ప్రభుత్వం స్పష్టం చేసింది. సకల జనుల సమ్మె జరిగిన రోజుల్లో సొంత పనుల మీదగానీ, మరేఇతర కారణాలతో గానీ సెలవు అధకారికంగా పెట్టి ఉంటే అటువంటి వాటిని ఈ ప్రత్యేక క్యాజువల్ లీవ్‌తో పరిగణించరాదని ప్రభుత్వం స్పష్టత ఇచ్చింది.
ఆ తరహా సెలవులను వేరుగా పరిగణించి నిబంధనల మేరకు అనుమతించాలి తప్ప ప్రత్యేక క్యాజువల్ లీవ్ నిబంధనలను అమలు చేయవద్దని తెలిపింది. సచివాలయంలోని అన్ని శాఖలు, అన్ని శాఖల ప్రధాన అధిపతులు ప్రభుత్వం అనుమతించిన స్పెషల్ క్యాజువల్ లీవ్ ఉత్తర్వులను అమలు చేయాలని ఆదేశించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.