రాష్ట్రీయం
జ్యుడీషియల్ రిమాండ్‌కు అగ్రిగోల్డ్ ఛైర్మన్, ఎండి
S ,7 à 8 RSCA (si SASPAS) et 6 cialis pharmacie cialis rapports de stage.
ఏలూరు, ఫిబ్రవరి 12: డిపాజిటర్లను భారీగా మోసం చేశారనే అభియోగంపై సిబిసిఐడి పోలీసులు అరెస్టుచేసిన అగ్రిగోల్డ్ ఛైర్మన్ అవ్వా వెంకట రామారావు, మేనేజింగ్ డైరెక్టర్ అవ్వా వెంకట శేషు నారాయణరావుకు శుక్రవారం పశ్చిమ గోదావరి జిల్లా ఇన్‌ఛార్జి న్యాయమూర్తి 14 రోజుల రిమాండు విధించారు. అగ్రిగోల్డ్ సంస్థలో పదివేలు డిపాజిట్ కాలపరిమితి ముగిసినా చెల్లించలేదని ఘంటశాల వెంకన్నబాబు అనే బాధితుడు పశ్చిమ గోదావరి జిల్లా పెదపాడు పోలీసు స్టేషన్‌లో చేసిన ఫిర్యాదు మేరకు 2015 జనవరి 2న తొలికేసు నమోదైంది. ఈ కేసుకు సంబంధించి ఛైర్మన్, మేనేజింగ్ డైరెక్టర్‌ను సిబిసిఐడి అధికార్లు శుక్రవారం ఏలూరు తీసుకువచ్చారు. జిల్లా ఇన్‌ఛార్జి న్యాయమూర్తి ఎ హరిహరనాథశర్మ ఎదుట వారిద్దరిని హాజరుపర్చగా వారికి 14 రోజుల రిమాండ్ విధించారు. అనంతరం వారిని వైద్య పరీక్షల నిమిత్తం ప్రభుత్వాసుపత్రికి తరలించారు. పరీక్షల అనంతరం వారి ఆరోగ్య పరిస్థితి సక్రమంగానే ఉందని నిర్ధారించుకుని ఏలూరులోని జిల్లా జైలుకు తరలించారు. ఈ సందర్భంగా ప్రభుత్వ ఆసుపత్రి, జిల్లా జైలు వద్ద స్వల్ప ఉద్రిక్తత నెలకొంది. పత్రికల ద్వారా వీరిద్దరి అరెస్టు తెలుసుకున్న అగ్రిగోల్డ్ సంస్థ స్థానిక ఏజెంట్లు, డిపాజిటర్లు పెద్దఎత్తున జిల్లా కోర్టుకు చేరుకున్నారు. పోలీసులు వ్యూహాత్మకంగా అగ్రిగోల్డ్ ఛైర్మన్, ఎండిలను న్యాయమూర్తి ఇంటికి తీసుకువెళ్లి హాజరుపర్చటంతో వారంతా కొంత అసంతృప్తికి గురయ్యారు. అనంతరం నిందితులను వైద్య పరీక్షలకు ఆసుపత్రికి తీసుకువస్తారన్న సమాచారంతో వారంతా పెద్దఎత్తున ఆసుపత్రికి చేరుకున్నారు. మరోవైపు ఇలాంటి పరిణామం చోటుచేసుకుంటుందన్న ఉద్దేశ్యంతో పోలీసులు కూడా పెద్దసంఖ్యలోనే మోహరించారు. వైద్యపరీక్షల అనంతరం వారిద్దరిని ఆసుపత్రి నుంచి బయటకు తీసుకువస్తున్న సమయంలో ఏజెంట్లు, డిపాజిటర్లు పెద్దఎత్తున శాపనార్ధాలు పెట్టడం మొదలుపెట్టారు. ఒకదశలో వారిద్దరి మీదకు దూసుకువెళ్లేందుకు కూడా ప్రయత్నించారు. పోలీసులు అప్రమత్తంగా వ్యవహరించి, ఛైర్మన్, ఎండిలను సురక్షితంగా పోలీసు వాహనంలోకి ఎక్కించి, అక్కడ నుంచి తరలించారు. అదేవిధంగా వారిని జిల్లా జైలుకు తీసుకువెళ్తారన్న ఉద్దేశ్యంతో అక్కడ కూడా బాధితులు చేరుకుని మరోసారి వారిని అడ్డుకునేందుకు ప్రయత్నించారు. కాగా డిపాజిటర్లకు చెల్లించాల్సిన ప్రతి నయాపైసా చెల్లిస్తానని అగ్రిగోల్డ్ ఛైర్మన్ అవ్వా వెంకట రామారావు పేర్కొన్నారు. సిబిసిఐడి డిఎస్పీ రాజ్‌గోపాల్ మాట్లాడుతూ త్వరలోనే న్యాయస్థానం అనుమతితో మళ్లీ వీరిని కస్టడీలోకి తీసుకుంటామని తెలిపారు. ఈ కేసులో మరింత లోతైన విచారణ అవసరం ఉందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.