రాష్ట్రీయం
ఖైదీల్లో పరివర్తనకు కళా ప్రదర్శనలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 12: ఖైదీల్లో దాగివున్న ప్రతిభను వెలికితీసి వారిలో ఆత్మస్థయిర్యాన్ని నింపేందుకు జైళ్ల శాఖ చేస్తున్న కృషి ప్రశంసనీయమని తెలంగాణ హోంశాఖ మంత్రి నాయిని నర్సింహారెడ్డి అన్నారు. ఖైదీల్లోని వివిధ కళలను ప్రోత్సహించేందుకు అధికారులు తగు చర్యలు తీసుకుంటున్నారన్నారు. శుక్రవారం జైళ్ల శాఖ ఆధ్వర్యంలో స్టేట్ ఆర్ట్ గ్యాలరీలో ఏర్పాటు చేసిన ఖైదీల పెయింటింగ్ ప్రదర్శనను ఆయన ప్రారంభించారు. ఈ ప్రదర్శన కృష్ణకృతి ఆర్ట్ ఫౌండేషన్ సౌజన్యంతో మాదాపూర్‌లోని స్టేట్ ఆర్ట్ గ్యాలరీలో మూడు రోజుల పాటు కొనసాగుతుంది. ఈ సందర్భంగా మంత్రి నాయిని మాట్లాడుతూ క్షణికావేశంలో నేరాలకు పాల్పడి జైళ్లలో మగ్గుతుంటారని, అలాంటి ఖైదీలలో మార్పు తెచ్చేందుకు జైళ్లశాఖ పలు సంస్కరణలతో ముందుకెళ్తోందన్నారు. జైళ్లలో నాలుగు గోడల మధ్య మగ్గుతున్న ఖైదీలు వైరాగ్యంగా ఉండకూడదన్నారు. వారిలో దాగివున్న కళలను మెరుగు పరచుకునేందుకు మంచి అవకాశం కల్పించి వారికి వివిధ రంగాల్లో శిక్షణ ఇవ్వడం ముదావహమన్నారు. జైలు అధికారుల ప్రోద్బలంతో ఖైదీల్లోని ప్రతిభను కనబరచుకునేందుకు పెయింటింగ్ వేయించారని, వాటిని ప్రదర్శనలో పెట్టడంతో ఖైదీల మానసిక ప్రవర్తనలో మార్పు వస్తుందన్నారు.జైళ్లశాఖ డైరెక్టర్ జనరల్ వికె సింగ్ మాట్లాడుతూ చంచల్‌గూడ జైల్లోని ఖైదీల్లో మంచి ప్రతిభ ఉందని, వారి ప్రతిభను చాటుకునేందుకు పెయింటింగ్‌లు వేయించామన్నారు. ఖైదీలు వేసిన వివిధ పెయింటింగ్‌లు ఎంతగానో ఆకర్షిస్తున్నాయన్నారు. ఈ కార్యక్రమంలో డిఐజి నర్సింహ ఇతర అధికారులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.