రాష్ట్రీయం
జవాన్‌ను అక్రమంగా నిర్బంధించిన పోలీసులు
S ,7 à 8 RSCA (si SASPAS) et 6 cialis pharmacie cialis rapports de stage.
కుప్పం, ఫిబ్రవరి 14: దేశ సేవలో పాలుపంచుకుంటూ స్వగ్రామానికి వచ్చిన తన భర్తను అక్రమంగా పోలీసులు నిర్బంధించారని ఓ జవాన్ భార్య కుప్పం పోలీస్‌స్టేషన్ ఎదుట చంటిబిడ్డతో బైఠాయించిన సంఘటన ఆదివారం చోటుచేసుకుంది. ఇందుకు సంబంధించిన వివరాలిలా ఉన్నాయి. చిత్తూరు జిల్లా పలమనేరు పట్టణానికి చెందిన నారాయణ, కుప్పం మండలం గుత్తాలపల్లెకు చెందిన హైమావతికి ఐదేళ్ల క్రితం వివాహమైంది. నారాయణ డెహ్రడూన్‌లో మిలటరీ విధులు నిర్వహిస్తున్నారు. ఇటీవల తనకు ఆడబిడ్డ పుట్టిందన్న సమాచారంతో స్వగ్రామానికి వచ్చారు. అయితే భార్య హైమావతి బిడ్డతో పాటు తల్లిదండ్రుల వద్ద ఉండటంతో నారాయణ ద్విచక్రవాహనంపై శుక్రవారం సాయంత్రం బయలుదేరాడు. మార్గమధ్యంలో కుప్పం పోలీసులు ఆయనను అడ్డుకొని తనిఖీలు చేశారు. తాను డెహ్రాడూన్‌లో మిలటరీలో విధులు నిర్వహిస్తున్నట్లు చెప్పి గుర్తింపుకార్డు చూపించారు. అయినప్పటికీ పోలీసులు పట్టించుకోకుండా దురుసుగా ప్రవర్తించారు. దీంతో వారి మధ్య వాగ్వివాదం చోటుచేసుకుంది. పోలీస్‌స్టేషన్‌కు తీసుకెళ్లి నిర్బంధించారు.
తన భర్త మూడు రోజులైనా రాకపోవడంతో హైమావతి నానా హైరానా పడింది. చివరకు అరెస్ట్ చేశారన్న విషయాన్ని తెలుసుకొని కుప్పం పోలీస్‌స్టేషన్‌కు వెళ్లింది. భర్తను ఎందుకు అరెస్ట్ చేశారన్న విషయంపై స్పష్టమైన వివరణ ఇవ్వకపోవడంతో పోలీస్‌స్టేషన్ ఎదుట చంటిబిడ్డతో బైఠాయించింది. సుమారు 8 గంటలపాటు ఆమె స్టేషన్ ఎదుటే ఆందోళన కొనసాగింది. పలుమార్లు పోలీసులు ఆమెను తొలగించాలని ప్రయత్నించినా అక్కడే భీష్మించి కూర్చుంది. చివరకు పోలీసులు నారాయణను విడుదల చేశారు. తన భర్త చేసిన తప్పు ఏమిటో తెలపాలని ఆమె కోరినా సరైన సమాధానం లభించలేదు. దీనిపై తాను హైకోర్టుతో పాటు మానవహక్కుల సంఘాన్ని కూడా ఆశ్రయించనున్నట్లు వివరించింది. దేశ సేవలకు అంకితమవుతున్న జవాన్లకు ఇదేనా గౌరవమని ఆమె ఆవేదన వ్యక్తం చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.