ప్రత్యేక హోదా అక్కర్లేదు: మంత్రి మాణిక్యాలరావు

ఏలూరు: ఎపికి ప్రత్యేక హోదా కావాలని టిడిపి ఎంపీలు, ముఖ్యమంత్రి చంద్రబాబు కేంద్ర ప్రభుత్వంపై ఒత్తిడి తెస్తుండగా ఇందుకు విరుద్ధంగా ఎపి మంత్రి మాణిక్యాలరావు వ్యాఖ్యలు చేశారు. చంద్రబాబు మంత్రివర్గంలో బిజెపి నుంచి ప్రాతినిధ్యం వహిస్తున్న దేవాదాయ మంత్రి మాణిక్యాల రావు చేసిన వ్యాఖ్యలపై టిడిపి నేతలు అభ్యంతరం వ్యక్తం చేస్తున్నారు. ప్రత్యేక హోదా లేకుండానే ఎపిని అన్ని విధాలా అభివృద్ధి చేయాలని కేంద్రం భావిస్తోందని ఆయన గురువారం మీడియాతో అన్నారు. కష్టాల్లో ఉన్న ఎపికి కేంద్రం అండగా నిలుస్తుందన్నారు.